| Nummer:adz012 | Datum: | Überlieferung:Origineel | Fundstelle:Arch. Aduarderzijlvest, inv.nr. 0138, reg. 12 |
Wy Borgermestere ende Raed in Groningen bekennen ende tugen myt dessen openen breve dat wy by raede ende consente onser
gezwoerne meente ende der menen achten hebben gegend ende togestaen voer ons ende onsen nakomelingen tot ewygen
dagen den ghemenen sijlvesten van Adewerder sijll Aldusdanighe punten ende vorwerden also hiir nae bescreven
staen Int eerste soe staen wy tho ende gennen den ghemenen sijlvesten van Adewerder sijll voergen. te setten offte toe
leggen ene water mole van twen offte drien grunden voer onsen Stad Inden Hoensloet toe wateren doer oers selves
land buten kest ende scade onser Stad Voertmeer wes renthe offte huur Jaerlix komet van dessen voerscr. molen
daer sullen die sijlvesten voergen. alle Jaere twe guede manne te setten die huere offte renthe te boeren to der sylvesten
behoeff Sijle Dijke ende damme van to maken daer yd den sijlvesten nutte ende orbaer duncket te wesen Ende de
voerscr. twe guede manne de desse voerscr. renthe offte huure boeren sullen die sullen den sijlvesten elkes Jaers eens
rekenscapp doen wanneer die olde rechters aff gaen ende die nyen weder in komen voertmeer soe sullen de sijlvesten
voerscr. elkes Jaers drie guede manne kesen ene vander Hoger kerken Ene vander Legher kerken ende ene vander Stad
van Groningen die daer meest gelandet synt die dat sullen doer sien ende verwaeren wanneer dat water vander molen
den legen landen hinderlijck is So sullen sie die mole stouwen ende schutten also lange als yd Em nutte duncket ende
den legen landen hinderlijck is Ende dat en sall Em niemant van onsen Raede offte onsen borgers ende Inweners behin-
deren sunder alle argelist Dat Orkonden wy myt onsen Stad segell Ghegeven in den jaer ons heren dusent vierhundert
drie ende vijfftich des naesten dages na sunte Marcus daghe des hilligen ewangelisten Doe Ffelkeer Marissinge
Henrick Baroldes Otto Clant ende Gosen van Dulk Borgermestere waeren onser stad.
Zegel beschadigd.
gezwoerne meente ende der menen achten hebben gegend ende togestaen voer ons ende onsen nakomelingen tot ewygen
dagen den ghemenen sijlvesten van Adewerder sijll Aldusdanighe punten ende vorwerden also hiir nae bescreven
staen Int eerste soe staen wy tho ende gennen den ghemenen sijlvesten van Adewerder sijll voergen. te setten offte toe
leggen ene water mole van twen offte drien grunden voer onsen Stad Inden Hoensloet toe wateren doer oers selves
land buten kest ende scade onser Stad Voertmeer wes renthe offte huur Jaerlix komet van dessen voerscr. molen
daer sullen die sijlvesten voergen. alle Jaere twe guede manne te setten die huere offte renthe te boeren to der sylvesten
behoeff Sijle Dijke ende damme van to maken daer yd den sijlvesten nutte ende orbaer duncket te wesen Ende de
voerscr. twe guede manne de desse voerscr. renthe offte huure boeren sullen die sullen den sijlvesten elkes Jaers eens
rekenscapp doen wanneer die olde rechters aff gaen ende die nyen weder in komen voertmeer soe sullen de sijlvesten
voerscr. elkes Jaers drie guede manne kesen ene vander Hoger kerken Ene vander Legher kerken ende ene vander Stad
van Groningen die daer meest gelandet synt die dat sullen doer sien ende verwaeren wanneer dat water vander molen
den legen landen hinderlijck is So sullen sie die mole stouwen ende schutten also lange als yd Em nutte duncket ende
den legen landen hinderlijck is Ende dat en sall Em niemant van onsen Raede offte onsen borgers ende Inweners behin-
deren sunder alle argelist Dat Orkonden wy myt onsen Stad segell Ghegeven in den jaer ons heren dusent vierhundert
drie ende vijfftich des naesten dages na sunte Marcus daghe des hilligen ewangelisten Doe Ffelkeer Marissinge
Henrick Baroldes Otto Clant ende Gosen van Dulk Borgermestere waeren onser stad.
Zegel beschadigd.
x
| Archiv | Groninger Archieven |
|---|---|
| Bestand | Arch. Aduarderzijlvest |
| Zugangsnummer | 705 |
| Inventarnr. | 0138 |
| Regestnr. | 12 |
| Jahr | 1453 |
| Datumcode | cMarci |