Johannes, bisschop van Traiectum, geeft aan abt en convent van het Benedictijner St. Maria-klooster in Runen verlof het klooster te verplaatsen naar de meer eenzame plaats Dickenynghe, met behoud van alle vrijheden en voorrechten door hen te Eunen genoten.
Johannes, Dei gratia episcopus Trajectensis, universis Christi fidelibus tarn presentibus quam futuris, ad quorum notitiam presentes litere pervenerint, salutem et Deum deorum in superna Jherusalem perhenniter contemplari. Pastoralis officii nostri debitum remediis vigiliat subditorum, quia dum eorum excutimus onera, dum scandala removemus, nos in eorum quiete quiescimus et fovemur in pace. Sane ex parte abbatis et conventus monasterii sancte Marie in Runen ordinis sancti Benedicti aliorumque plurimum fide dignorum nostris est auribus inti-matum, quod propter inhabilitatem dicti loci de Runen hominumque multitudinem ibique confluencium ac alias quam plures causas, gravia dampna, expensas multas et magna pericula non solum in rebus verum eciam in corpore et in anima jamdudum sustinuerunt et adhuc sustinent cotidie graviora, ad quorum relevacionem et evasionem, prout ipsi et quidam alii nobis dixerint, translacionem ejusdem monasterii et conventus de Runen ad locum in Dickenynghe permaxime eis utilis esset et necessaria, cum dictus locus de Dickenynge solitarius et magis eis conveniens sit et aptus. Propter quod dictus abbas et conventus, ut dictam translacionem facere dignaremur, nobis humiliter supplicarunt. Nos vero, cum a nobis petitur, quod justum sit et honestum, presertim in hiis, per que saluti consulitur animarum, tarn vigor equitatis quam ordo exigit rationis, ut id per solitudinem officii nostri ad debitum perducatur effectum; attendentes igitur illud precipue, quod vita monastica solitaria et tristis esse debeat et cohabitacione hominum seorsum sublata, translacionem dicti monasterii de Runen et conventus cum omnibus suis libertatibus, privilegiis et prerogativis, quibus de jure usi fuerant in Runen, ad locum de Dickeninge predictum fieri volumus et earn presentibus in Dei nomine facimus et ordinamus, mandantes abbati et conventui predictis, quod, quam cito hoc commode facere valeant, ad dictum locum de Dickeninge se transferant indilate. Per hanc vero nostram et eorum translacionem non intendimus alicui in jure suo derogare sed volumus, quod unicuique in loco de Dickeninge in monasterio et conventu jus suum salvum sit absque diminucione aliqua, prout in loco de Runen actenus de jure sibi competebat. In cujus rei testimonium sigillum nostrum majus presentibus duximus apponendum. Datum die Invencionis sancte Crucis anno Domini MCCC vicesimo quinto.
