Otto van norch, zijne vrouw Yda, zijne kinderen Wycher, Johan en Herman en zijn broeder Wycher, kanunnik te Steenwijc, verkoopen en dragen over voor buren en kerspellieden van Beylen aan de abdij van Dickenijnghe de tienden te Halen, grof en smal, met het recht van herbergen van vore dees sades¹ in Drente, door hen geërfd van hunne ouders; met belofte van vrijwaring, behalve voor de smalle tienden over den hof te Halen, de aan het convent te geven vlastienden en de grove en smalle tienden over het kothus Nysinghe. Met medebezegeling door Herman Polleman, Coenraed van den ghore en het land van Drenthe.

Alien denghenen, die dessen brief solen sien oft horen lesen, Otto van Norch, Yda sijn wijf, Wycher, Johan ende Herman sine kindere ende Wycher sijn broder, canonic to Steenwijc, wy ende al onse nacomelinghe oft onse rechte erfghenamen maket kund ende erkennet vastelike an dessen brieve, dat wy hebbet vercoft her Johan, den abt van Rune ende van Dickenijnghe, ende den ghemenen convente die tyenden to Halen, grof ende smal, mit aller slachter not ende mit rechte van herberghe, twewarve by koerne ende twewarve by grase ende van vore dees sades, also wijt als Drentes lantrecht gaet ende wijst, ende op hoers selves kost ende mit alsulken rechte, als hy ons anghecomen is van onsen olderen, voer ene summe van ghelde, die ons al betaelt is. Welcken voerseyden tyenden wy deen able ende dien convente voerscreven op hebbet ghelaten voer den buren ende voer den ghemenen kerspel van Beylen ende oplatet an dessen brieve van ons ende van onsen nacomelinghen of onsen rechte erfghenamen sonder antale of ansprake ewichlike vry to besittene ende vry to warene van alre ansprake yenighes mannes, die recht oft heerscapie an dien voerghenomeden tyende bywisen mach, byhalven dien smaltyenden over den hof to Halen, dien vlastyenden, dien convente to ghevene, ende byhalven den tyenden grof ende smal over dat kothus, dat Nysinghe gheheten is. Ende opdat dit waer sy ende ewelike stede ende vast blive, so hebbe wy vorghenomeden, Otto van Norch ende Wycher sijn broder, canonic to Steenwijc, onse seghele an dessen breef ghehanghen ende hebben ghebeden Herman Polleman ende Coenrade van den Goer, onsen maghen ende den lande van Drenthe ore seghele an dessen brief to
hangene a). Ende wy voerghenomeden, Herman Polleman, Coenraed van den Chore ende lant van Drenthe, om bede Ottens van Norch ende Wychers sines broders, canonikes to Steenwijc voerghenoemt, so hebbe wy onse seghele an dessen brief ghehanghen to enen ewigen tughe ende vasticheit. Ghegheven in den jaer ons Heren dusent drehondert vyer ende derthieh up onser Vrouwendach Annunciacio.

x

x

Archiv	Drents Archief
Bestand	Arch. Abdij Dikninge
Zugangsnummer	440
Inventarnr.	1
Fol. Nr.	fol. 27v
Regestnr.	43
Jahr	1334
Datumcode	AnnMar

x

x

Material	perkament

x

Editionen	O0336