Godeuard van Echten draagt, met goedvinden van zijne kinderen Jutte en Amele, voor Werner van Breedler, schulte te Hasselt, over aan de abdij te Dickenynghe eene pacht van 1/2 emmer boter uit het huis van Marquardus op zijn pachtgoed ter Hofstede, tot het houden van alsulke naedaet ende be-ghancnisse voor zijne vrouw Margrete ghelikerwijs of sie daer oer suster oft nonne gheweest hadde. Met medebezegeling door den schulte.

b) Alien luden, die dessen brief solen sien oft horen lesen, ic, Godevard van Echten, doe
kundich vastelike to betughen, dat ic mit willen ende mit ghehencnisse Jutten ende Amelen,
mijnre kindere, ende alle mijnre erfghenaemen hebbe ghegheven ende upghedraghen voer
Wernere van Breedler, sculte to Hasselt, ende anders gueden luden den nonnen ende den
convente to Dickenynghe een half emmer boteren over Marquardus huys ter hofstede in minen
pachtguede, alle jare des Sonnendaghes na sente Johans daghe to Middesomer up te boren
ende ewelike vry sonder ansprake to bruken in een testament um Margreten siele mijns
wives, die God hebben mote, in alsulken bescheyde, dat die nonnen alsulke naedaet ende
beghancnisse solen doen oer, ghelikerwijs of sie daer oer suster oft nonne gheweest hadde.
Updat dese dinghe vast sin ende stade bliven, soe heb ic Godevaerd voerscreven mijn seghel
voer an desse brief ghehanghen. Ende ic Werner voersproken doer bede Godevardes voers.
hebbe dessen brief mit oen beseghelt in een tuych alle desser ding voersproken. Ghegheven
in den jaer ons Heren MCCC ende achte ende viertich up sente Lambertes dach eens biscops
ende martelaers.

x

x

Archiv	Drents Archief
Bestand	Arch. Abdij Dikninge
Zugangsnummer	440
Inventarnr.	1
Fol. Nr.	fol. 37v
Regestnr.	53
Jahr	1348
Datumcode	Lamber

x

x

Material	perkament

x

Editionen	O0409