| Nummer:dik064 | Datum:15 maart 1360 | Überlieferung:Origineel | Fundstelle:Arch. Abdij Dikninge, inv.nr. 152, reg. 64 |
Cyse en Rolof Gudesinghe verkoopen aan de abdij van Dickeninghe en van Rune hunne smalle tienden over Blakelinghe-goed te Pette in het kerspel van Rune. Met afstand van zijn rechten op de tienden en medebezegeling door gherd guedesinghe.
Wi, Cyse Guedesinghe ende Rolof Guedesinghe, doen kont ende kenlic alien luden , die desen brief solen sien of horen lesen, dat wi
vor ons selven ende vor onse gherechte erfnamin vercoft hebben ende vercopen met desen selven brieve heren Johanne, den abt ende den
ghemenen convente van Dickeninghe ende van Rune al den smaltyenden, die ons toebehorde ende wi jaerlix plaghen to hebben over Blakelinghegoed, dat gheleghen is to Pette in den kercspel van Rune, om ene somma van ghelde, die ons ende onsen gherechten erfnamen wittelic ende wal betaalt is. Ende desen smaltyenden vorscreven sole wi den abt ende den convente vornomt waren to besitten ende to ghebruken als een vry goed van alien commer ende van alrehande antalen. In orkonde der waerheit so hebbe wi, Cyse Guedesinghe ende Rolof Guedesinghe, siin sone vornomt, desen brief beseghelt met onsen seghelen. Ende om die meerre vestensche ende zekerheit, soe hebbe wi ghebeden enen eersamen man ende enen wisen, Gherde Guedesinghe, onsen neven, over to gheven ende quijt to sceldene, of hi enich recht ot ansprake to spreken hadde op desen smaltyenden vorscreven, ende dat hi desen brief met ons beseghelen wille met sinen seghel. Ende ic, Gherd Ghuedesinghe vornomt, hebbe om beden wille Cysen Guedesinghe ende Rolof, siins sones vornomt, overghegheven ende quijt ghescolden, gheve over ende scelde quijt met desen brieve vor mi selven ende vor mine gherechte erfnamen , of ic enich recht of ansprake to spreken hadde op desen smaltyenden vorscreven, ende hebbe desen brief beseghelt met minen seghel tot enen waren tughe deser dinghe vorscreven. Alle arghelist uutghesproken ende alle vonde, die den abt ende den convente vorscreven scaden moghe, an desen brieve ende an desen cope vorscreven. Ghegheven int jaer ons Heren MCCC ende zestich des Sonnendaghes na sunte Gregorius dach.
vor ons selven ende vor onse gherechte erfnamin vercoft hebben ende vercopen met desen selven brieve heren Johanne, den abt ende den
ghemenen convente van Dickeninghe ende van Rune al den smaltyenden, die ons toebehorde ende wi jaerlix plaghen to hebben over Blakelinghegoed, dat gheleghen is to Pette in den kercspel van Rune, om ene somma van ghelde, die ons ende onsen gherechten erfnamen wittelic ende wal betaalt is. Ende desen smaltyenden vorscreven sole wi den abt ende den convente vornomt waren to besitten ende to ghebruken als een vry goed van alien commer ende van alrehande antalen. In orkonde der waerheit so hebbe wi, Cyse Guedesinghe ende Rolof Guedesinghe, siin sone vornomt, desen brief beseghelt met onsen seghelen. Ende om die meerre vestensche ende zekerheit, soe hebbe wi ghebeden enen eersamen man ende enen wisen, Gherde Guedesinghe, onsen neven, over to gheven ende quijt to sceldene, of hi enich recht ot ansprake to spreken hadde op desen smaltyenden vorscreven, ende dat hi desen brief met ons beseghelen wille met sinen seghel. Ende ic, Gherd Ghuedesinghe vornomt, hebbe om beden wille Cysen Guedesinghe ende Rolof, siins sones vornomt, overghegheven ende quijt ghescolden, gheve over ende scelde quijt met desen brieve vor mi selven ende vor mine gherechte erfnamen , of ic enich recht of ansprake to spreken hadde op desen smaltyenden vorscreven, ende hebbe desen brief beseghelt met minen seghel tot enen waren tughe deser dinghe vorscreven. Alle arghelist uutghesproken ende alle vonde, die den abt ende den convente vorscreven scaden moghe, an desen brieve ende an desen cope vorscreven. Ghegheven int jaer ons Heren MCCC ende zestich des Sonnendaghes na sunte Gregorius dach.
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 152 |
| Regestnr. | 64 |
| Jahr | 1360 |
| Datumcode | DpGregor |