Egbrecht van Echten en zijne kinderen Volkier, Egbrecht en Berte verkoopen aan de abdij van Dickeninghen eene rente van 2 vierendeel en l kop boter uit het goed van Herman ter Hofstadt in het kerspel van de Ywehorst.

[in margine: Ywehorst] Wij Egbrecht van Echten, Volkier, Egbrecht ende Beerte sine kindere, doen kont
ende kenlic allen luden die dessen brief solen sien ofte horen lesen dat wij
voer ons selven ende voer onse rechte erfghenamen vercoft hebben ende verco-
pen mit dessen tieghenwordighen brieve heren Johan, den abt, ende den ghe-
menen convente van Dickenynghen twee vierendeel boteren ende enen cop
boteren erfliker renten die ons toebehoerden ende ghelegen sin over Hermans
guet ter Hofstadt in den kerspel van Ywehorst om ene summa van ghelde
die ons ende onsen rechten erfghenamen wittelike ende wal betaelt is. Ende
desse twee vierendeel boteren ende dessen cop boteren voerscr. solen die abt ende con-
vente voerscr. ghebruken ende besitten ewelike ende ummermeer sonder yeni-
gherhande ansprake ons ofte onser rechter erfghenamen ende omdat wij wil-
len dat desse coep vast ende stede blive ende wal gheholden werde, so hebbe ic
Egbert van Echten vornomt dessen brief beseghelt mit mijnen seghel voer
mij selven, voer Volkier, voer Egbrechte ende voer Beerten minen kinderen
vornomt, want sie selven ghene seghele ende hebben. Ende wij Volkier, Egbert
ende Beerte voernomt belijen ende volborden deses copes ende desser dinghe
voerscr. onder Egbrechts onses vander [lees: vader] seghel ghelikerwijs als oft onses sel-
ves seghel were. Hier hebben over ende an gheweest eersame lude ende wijse Rey-
nold van Cloester, Steven sijn broder, Johan Sloet, Johan Haghene ende anders
vele gueder lude. Ghegheven in 't jaer ons Heren dusent driehondert achte
ende tsestich, op Sunte Laurencius avont.

x

x

Archiv	Drents Archief
Bestand	Arch. Abdij Dikninge
Zugangsnummer	440
Inventarnr.	1
Fol. Nr.	fol. 33v
Regestnr.	74
Findbuch	Zum Findbuch
Jahr	1368
Datumcode	vLauren

x

x

Material	perkament

x

Editionen	(O0554)