| Nummer:dik096 | Datum:15 april 1375 | Überlieferung:Afschrift | Fundstelle:Arch. Abdij Dikninge, inv.nr. 1, fol. 23r, reg. 96 |
Johannes, abt van het St. Maria-klooster in Dickenynghen, verklaart dat de kloosterbroeder heer Egbertus, cureit der kerk in Runen, aan hem opdroeg, ten behoeve van een tweeden dienst-doenden priester in de kerk te Dickenynghen, renten van 5 Groninger mudden rogge uit het huis Nysinghe in Halen, l emmer boter uit (de) goederen to der Nederlaucghorst en 2 1/2 vierendeel boter uit (de) goederen Hakeswolde; mits dat hij zelf de pacht zal ontvangen, wanneer en voorzoover hij te eeniger tijd in het klooster te Dickenynghen verblijft. Met medebezegeling door heer Egbertus.
Johannes, divina permissione abbas monasterii beate Marie virginis in Dickenynghen, universis Christi fidelibus presencia visuris seu audituris cum incremento virtutum rei noscere veritatem. Constitutus in nostra presencia confrater noster dominus Egbertus, curatus ecclesie in Runen,
proposuit, quod videns et considerans, quod propter penuriam et defectum personarum ecclesia in Dickenynghen sepe suo debito officio sit frustrata, unde pio ductus zelo dicte condolens inopie de elemosinis proborum ac racione cure ecclesiarum sibi obveniencium nonnullos redditus videlicet quinque modios siliginis Groningensis mensure de domo Nysinghe in Halen ac unum urnatum buturi de bonis dictis to der Nederlancghorst necnon duo quartaria butiri cum dimidio de bonis dictis Hakeswolde singulis annis perpetue solvendos ad usus unius sacerdotis pro conparacione vestimentorum ac aliis necessariis ministrantis dicte ecclesie conparavit. Et licet uni sacerdoti per conventum sic provisum ibidem nichilominus necesse est ipsum habere socium sibi adjunctum tam propter exemplum Salvatoris, qui mittens predicatores per mundum, misit eos binos ante faciem suam, quam propter id quod dicitur Extra de statu regularium , quod monachi non sunt ponendi singuli per ecclesias, ne forte aliquis cadens non habeat sublevantem, unde propter premissas causas et rationes prefatus dominus Egbertus dictos redditus in manus nostras ad profectum alterius ministrantis nostre ecclesie resignavit, tamen tali condicione interposita, quod dominus Egbertus prefatus, si ipsum aliquo tempore ad monasterium nostrum Dickenynghen venire contigerit, quousque inibi personalem residenciam fecerit, omni contradictione postposita sepedictos redditus integraliter possidebit. In quorum omnium premissorum testimonium sigillum nostrum una cum sigillo prefati domini Egberti presentibus sunt appensa. Datum anno Domini MCCC septuagesimo quinto in die Palmarum.
proposuit, quod videns et considerans, quod propter penuriam et defectum personarum ecclesia in Dickenynghen sepe suo debito officio sit frustrata, unde pio ductus zelo dicte condolens inopie de elemosinis proborum ac racione cure ecclesiarum sibi obveniencium nonnullos redditus videlicet quinque modios siliginis Groningensis mensure de domo Nysinghe in Halen ac unum urnatum buturi de bonis dictis to der Nederlancghorst necnon duo quartaria butiri cum dimidio de bonis dictis Hakeswolde singulis annis perpetue solvendos ad usus unius sacerdotis pro conparacione vestimentorum ac aliis necessariis ministrantis dicte ecclesie conparavit. Et licet uni sacerdoti per conventum sic provisum ibidem nichilominus necesse est ipsum habere socium sibi adjunctum tam propter exemplum Salvatoris, qui mittens predicatores per mundum, misit eos binos ante faciem suam, quam propter id quod dicitur Extra de statu regularium , quod monachi non sunt ponendi singuli per ecclesias, ne forte aliquis cadens non habeat sublevantem, unde propter premissas causas et rationes prefatus dominus Egbertus dictos redditus in manus nostras ad profectum alterius ministrantis nostre ecclesie resignavit, tamen tali condicione interposita, quod dominus Egbertus prefatus, si ipsum aliquo tempore ad monasterium nostrum Dickenynghen venire contigerit, quousque inibi personalem residenciam fecerit, omni contradictione postposita sepedictos redditus integraliter possidebit. In quorum omnium premissorum testimonium sigillum nostrum una cum sigillo prefati domini Egberti presentibus sunt appensa. Datum anno Domini MCCC septuagesimo quinto in die Palmarum.
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 1 |
| Fol. Nr. | fol. 23r |
| Regestnr. | 96 |
| Jahr | 1375 |
| Datumcode | Palmar |