| Nummer:dik099 | Datum:10 aug. 1376 | Überlieferung:Afschrift | Fundstelle:Arch. Abdij Dikninge, inv.nr. 1, fol. 18v, reg. 99 |
Reynolt van den Cloestere en zijne vrouw Margrete dragen, in overleg met hunne kinderen Johan en Cyse, over aan de abdij van Dickenijnghen hunne grove tienden over haar eigendom Tyberts-guet in het kerspel van Blidensteden in de marke van de Broechusen.
Blijdenstede. Allen luden die dessen brief solen sien oft horen lesen doe wij verstaen, Reinolt
van den Cloestere, Margrete mijn echte wijf ende en kennet des dat mit vrien
willen onses selves mit raede ende mit willen Johans ende Cysen, onser kindere,
ende mit consente al onser rechter erfghenamen vercoft ende opghelaten hebben,
vercopen ende oplaten apenbaer mit dessen openen brieve heer Johan, den abt, ende
den ghemenen convent van Dickeninghen alsulken groven tienden als wij hadden
over oer guet dat Tyberts guet gheheten is, gheleghen bynnen den kerspel van
Blidensteden ende binnen der marke van den Broechusen um eyne summe van ghelde
die ons wittelike ende wal betaelt is. In alsulken maniere dat die abt ende dat con-
vent van Dickeninghen voers. dessen voerghenomeden tyenden erflike ende ummer-
meer vrij besitten ende ghebruken moghen, sonder yenigherhande hinder ende sonder
yenigherhande wedersegghen van ons ende van al onsen erfghenamen ende solem
hem des tyenden vrijwaren voer al die ghene die des to rechte comen willem. Al
arghelist uytghesproken. In kennisse der waerheit heb ic Reinolt van den Cloester
dessen breef beseghelt mit minen seghele, voer mij selven, voer Margreten mijn
echte wijf, voer Johanne ende Cysen onse kindere. Ende wij Margrete ende Johan ende Cyse voers. ghelijen al desser vorwarden under Reinoldes seghele van den Cloester
voers., want wij selven op desse tijt ghien seghel en hebben. Ghegheven in 't jaer
ons Heren dusent drehondert ses ende seventich, up Sante Laurencius dach.
van den Cloestere, Margrete mijn echte wijf ende en kennet des dat mit vrien
willen onses selves mit raede ende mit willen Johans ende Cysen, onser kindere,
ende mit consente al onser rechter erfghenamen vercoft ende opghelaten hebben,
vercopen ende oplaten apenbaer mit dessen openen brieve heer Johan, den abt, ende
den ghemenen convent van Dickeninghen alsulken groven tienden als wij hadden
over oer guet dat Tyberts guet gheheten is, gheleghen bynnen den kerspel van
Blidensteden ende binnen der marke van den Broechusen um eyne summe van ghelde
die ons wittelike ende wal betaelt is. In alsulken maniere dat die abt ende dat con-
vent van Dickeninghen voers. dessen voerghenomeden tyenden erflike ende ummer-
meer vrij besitten ende ghebruken moghen, sonder yenigherhande hinder ende sonder
yenigherhande wedersegghen van ons ende van al onsen erfghenamen ende solem
hem des tyenden vrijwaren voer al die ghene die des to rechte comen willem. Al
arghelist uytghesproken. In kennisse der waerheit heb ic Reinolt van den Cloester
dessen breef beseghelt mit minen seghele, voer mij selven, voer Margreten mijn
echte wijf, voer Johanne ende Cysen onse kindere. Ende wij Margrete ende Johan ende Cyse voers. ghelijen al desser vorwarden under Reinoldes seghele van den Cloester
voers., want wij selven op desse tijt ghien seghel en hebben. Ghegheven in 't jaer
ons Heren dusent drehondert ses ende seventich, up Sante Laurencius dach.
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 1 |
| Fol. Nr. | fol. 18v |
| Regestnr. | 99 |
| Jahr | 1376 |
| Datumcode | Lauren |