Johan Haghen en Lize e. 1. dragen, in overleg met hunne kinderen Johan, Herman en Elsebe, over aan de abdij van Dickeninghen hun erf c. a. Radelinghe-guet en Smedinghe-guet, in de buurschap en de marke te Ansen in het kerspel van Runen, behalve den berg en de bergmade met den dijk. Met medebezegeling door Aernt heer van Runen, Johan van den Cloester en Johan Sloet.

a) Allen luden, die dessen brief sullen sien oft horen lesen , doe wy kundich ende verstaen , Johan Haghen ende Lize, sijn echte wijf, dat wi mit vrien willen ons selves, mit rade Johans, Hermans ende Elsebeen, onser kindere, ende mit consente al onser erfghenamen vercoft ende erfliken opghelaten hebben, erflike vercopen ende oplaten openbaer mit dessen openen brieve heren Johan, den abt, ende den ghemenen convent "van Dickeninghen onse alinghe guet ende onse alinghe erve, dat gheheten is Radelingheguet ende Smedingheguet, mit ware, mit schare, mit torve, mit twighe, mit alre slachter nut ende mit allen sinen tobehoren, als dat ghe-leghen is in der buerscap ende in der marke tot Ansen binnen den kerspele van Runen, uytghesproken den berch ende die berchmaet mit oren dike, om ene summe gheldes, die ons wittelike ende wal betaelt is, in alsulken manieren dat die abt ende dat convent van Dickeninghe dat voers. erve ende guet erflike vry besitten moghe ende des ewelike ende ummermeer ghebruken moghe sonder yenigherhande hinder ende sonde(r) yenigherhande weder-segghen van ons ende van onsen erfghenamen. Ende solen hem des guedes ende des erves voers. waren to lantrechte voer alle dieghene, die des to rechte comen willen. Al arghelist uytghesproken. In kennisse der waerheit heb ie, Johan Haghene voers., dessen openen briel beseghelt mit minen seghel voer myselven, voer Lisen , mijn echte wijf, voer Johan, Herman ende Elsebeen, onse kindere, ende voer al onse erfgenamen. Ende om ene meerre vestenisse hebbe wy ghebeden eersamen gueden luden Aernde, de joncheren van Runen, Johanne van de Cloester ende Johan Sloet, dat sie dessen breef over ons ende mit ons beseghelen willen. Ende wy, Aernt, heer van Runen, Johan van den Cloester ende Johan Sloet voers., hebben om bede willen Johans Haghene, Lizen, sines echten wives, Johans, Hermans ende Elseben, ore echten kindere voerscreven , onse seghele mede an dessen openen brief gheha(n)ghen tot enen ewighen waren tughe alle desser vorwarden voerghescreven. Ghegheven in den jaer ons Heren dusent driehondert vijf ende tachtentich des elften daghes in Aprille.

x

x

Archiv	Drents Archief
Bestand	Arch. Abdij Dikninge
Zugangsnummer	440
Inventarnr.	1
Fol. Nr.	fol. 15r
Regestnr.	118
Jahr	1385
Datumcode	1104

x

x

Material	perkament

x

Editionen	O0742