Henric die Sure schulte te Vollenhoe oorkondt, dat Johan die Vroude en Alijt e. 1. overdroegen aan de abdij van Dickenijnghen de maat Albert Botickes Ouermaet, bij de sluis in het kerspel van Wenepervene. Met bepaling dat J. en A. dat overste lant boven de Ouermaet vrij behouden, behalve eene rente van l Dikninger emmer boter voor de abdij; en dat het land aan de abdij zal vervallen zijn, wanneer de rente in 3 jaren niet betaald is.

a) Ie, Henric die Sure, in der tijt schulte tot Vollenhoe, make kond ende kenlic allen luden, dat voer my ghecomen sint int gherichte in enen ghehegheden heymale, daer ie to gherichte sat tot Vollenhoe in der banc, Johan die Vroude als een monbaer Alijt, sijns echten wives, mit Alyde, sinen echten wyve, ende bekanden daer voer my, dat sie voer hem ende voer hoer erf-ghenamen in enen steden erfcope erfliken ende eweliken vercoft hebben den convente ende den cloester van Dickenijnghen ene maet, die gheheten is Albert Botickes Overmaet, die gheleghen is by der sluys in den kerspel van Wenepervene, daer byghelant is an die oesterzijt Grote Coep ende an die westersijt Hessel Hollikens, die nu in der tijt die voerscreven maet brukende is mit alre slachternot ende mit al oren tobehoren alsoe als sie gheleghen is, mit torve, mit twighe , mit water, myt weyden , mit huse, mit hove ende mit oren zomerdycke, erfliken eweliken
te hebben ende te besitten. Ende Johan ende Alijt voerscreven verteghen van desser voerscreven maet ende huse voer hem ende voer hoer erfghenamen erfliken ende eweliken to behoef des cloesters ende des convents to Dickenijnghen ende droghen sie hem up mit vertichnisse ende uplatinghe als ordel ende recht wysede. Voert soe sint vorwarde, dat Johan ende Alijt voerscreven ende oer erfghenamen dat overste lant boven der Overmaet van Botickes guet vry beholden mit al sinen toebehoerne, uytghenomen enen emmer boteren Dickenijngher mate, die Johan ende Alijt voerscreven oft oer erfghenamen alle jare up sunte Michielsdach ofte binnen achte daghen daerna onversumet bitalen solen in dat cloester to Dickenijnghen in den l kelre. Ende weert sake dat Johan, Alijt voerscreven oft oer erfghenamen dit voerscreven emmer boteren verhelden dre jaer lanc, dat sie oer niet en bitaelden, so sal dit voerscreven guet, daer die boter uytgheet, den cloester ende den convente ledich ende loes wesen sonder yenigherhande arghelist. Hier weren over ende an als koernoten her Henric, kercheer to Wenepervene, Hugho Duwer, rentemyster to Vollenho, Johan die Becker ende Heyne Wegghe ende anders vele guder lude. In oerkunde des ende um bede willen an beyden syden soe heb ie, Henric die Suere, mijn seghel als een schutte an dessen brief ghehanghen. Ghegheven int jaer ons Heren MCCC achte ende tachtentich up sancte Johansdach to Middesomer.

x

x

Archiv	Drents Archief
Bestand	Arch. Abdij Dikninge
Zugangsnummer	440
Inventarnr.	1
Fol. Nr.	fol. 55v
Regestnr.	121
Jahr	1388
Datumcode	NatJoh

x

x

Material	perkament

x

Editionen	O0785