| Nummer:dik148 | Datum:27 okt. 1403 | Überlieferung:Origineel | Fundstelle:Arch. Abdij Dikninge, inv.nr. 94, reg. 148 |
johan heer van Rune, knape, en zijn gebroeders stewen, johan, boldewijn en rolef dragen voor buren te Lede over aan de abdij te Dyckenynge hunne grove tienden over Nyen Boel-dyiige-goet en over wermbolt des pelsers goed in de marke te Lede ghedynghet resp. op 2 stede Groninger mudden en op 1/2 schat rogge.
b) Wy, Johan here van Rune, knape, Stewen, Johan, Boldewijn ende Rolef, ghebroders, doen kundich alien luden in desen openen breve,
dat wy myt goden berade ende onsen vryen wyllen hebben vercoeft voer ons ende onse reechte eerfghenamene stedes vaestes copes
al onsen groven teenden, de van ons ghedynghet was jaerlykes voer twe stede Gronnynger mudde rogghen, de wy hadden jaerlykes over Nyenboeldyngegoet ende enen halven scat rogghen, de wy hadden jaerlykes over Wermboldes des pelser goet to teenden, gheleghen in der maerke to Lede, den abt ende dat ghemene convent ende haren nacomene to Dyckenynge voer een summe gheldes, de ons ende onsen reechten eerfghenamene van den voerscreven convent van Dyckenynge wal betalet is. Des heb wy, ghebroders voerghenomt, myt samener hant voer ons ende onsen reechten eerfghenamen den abt ende dat ghemene convent ende haren nacomene den stoech weder gheleghet als van den teenden oft van den twen steden mudden ende van den halven scat rogghen voerscreven to Lede in der maerke voer den ghemenen buren als laentreecht is, ende hebben daermede den teenden oft mudde ende den halven scat voerghenomt quijtgheschulden, upghelaten ende myt goden, vrien willen overghegheven myt alien vrijdome den abt ende dat ghemene convent to Dyckenynge voerscreven eerflijc ende ewelijc to bruken ende to besitten sonder ghemens wedersegghen oft ansprake van ons oft van onsen reechten eerfghenamen, ende solen den abt ende dat convent ende haren nacomenen den voerscreven teenden oft mudde ende den halven scat vrij, ledich, loes ende stede waren voer al deghene, de des teghen ons oft onsen reechten eerfghenamen tot laentreechte comen wijlt, homanychwaerve des to done ende noet is. Al aerghelijst ende nye voende, de an desen voerscreven coep hynderen oft scaden moghen, uutghesproken, rasure des breves, quessynge der seghele nyet in desen breve to hynderen. Hier waren over ende an als dedyngheslude Wessel de Blomer, Coenraet de schulte to Rune, ende anders goder lude ghenoech, de desen coep voerscreven maecten myt handen ende myt moenden. Ende wy, Johan here van Rune, knape, Steven, Johan, Boldewijn ende Rolef, ghebroders voerscreven, willen, dat desen voerscreven coep stede, vaest ende ewelijc van ons ende onsen reechten eerfghenamen blyven sal, so heb wy, Johan, here van Rune, knape, ende Steven voerghenomt, onse seghele tosamene an desen breef ghehanghen voer onse dree broders voerscreven ende voer ons selven ende onsen reechten eerfghenamen, waent onse voerscrevene broders in der tijt ghene seghele en hadden, in enen tuech der waerheit. Ghegheven int jaer ons Heren dusen vyerhondert ende dree up sancte Symon, Judasavent apostolorum.
dat wy myt goden berade ende onsen vryen wyllen hebben vercoeft voer ons ende onse reechte eerfghenamene stedes vaestes copes
al onsen groven teenden, de van ons ghedynghet was jaerlykes voer twe stede Gronnynger mudde rogghen, de wy hadden jaerlykes over Nyenboeldyngegoet ende enen halven scat rogghen, de wy hadden jaerlykes over Wermboldes des pelser goet to teenden, gheleghen in der maerke to Lede, den abt ende dat ghemene convent ende haren nacomene to Dyckenynge voer een summe gheldes, de ons ende onsen reechten eerfghenamene van den voerscreven convent van Dyckenynge wal betalet is. Des heb wy, ghebroders voerghenomt, myt samener hant voer ons ende onsen reechten eerfghenamen den abt ende dat ghemene convent ende haren nacomene den stoech weder gheleghet als van den teenden oft van den twen steden mudden ende van den halven scat rogghen voerscreven to Lede in der maerke voer den ghemenen buren als laentreecht is, ende hebben daermede den teenden oft mudde ende den halven scat voerghenomt quijtgheschulden, upghelaten ende myt goden, vrien willen overghegheven myt alien vrijdome den abt ende dat ghemene convent to Dyckenynge voerscreven eerflijc ende ewelijc to bruken ende to besitten sonder ghemens wedersegghen oft ansprake van ons oft van onsen reechten eerfghenamen, ende solen den abt ende dat convent ende haren nacomenen den voerscreven teenden oft mudde ende den halven scat vrij, ledich, loes ende stede waren voer al deghene, de des teghen ons oft onsen reechten eerfghenamen tot laentreechte comen wijlt, homanychwaerve des to done ende noet is. Al aerghelijst ende nye voende, de an desen voerscreven coep hynderen oft scaden moghen, uutghesproken, rasure des breves, quessynge der seghele nyet in desen breve to hynderen. Hier waren over ende an als dedyngheslude Wessel de Blomer, Coenraet de schulte to Rune, ende anders goder lude ghenoech, de desen coep voerscreven maecten myt handen ende myt moenden. Ende wy, Johan here van Rune, knape, Steven, Johan, Boldewijn ende Rolef, ghebroders voerscreven, willen, dat desen voerscreven coep stede, vaest ende ewelijc van ons ende onsen reechten eerfghenamen blyven sal, so heb wy, Johan, here van Rune, knape, ende Steven voerghenomt, onse seghele tosamene an desen breef ghehanghen voer onse dree broders voerscreven ende voer ons selven ende onsen reechten eerfghenamen, waent onse voerscrevene broders in der tijt ghene seghele en hadden, in enen tuech der waerheit. Ghegheven int jaer ons Heren dusen vyerhondert ende dree up sancte Symon, Judasavent apostolorum.
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 94 |
| Regestnr. | 148 |
| Jahr | 1403 |
| Datumcode | vSimJud |