| Nummer:dik149 | Datum:6 dec. 1403 | Überlieferung:Afschrift | Fundstelle:Arch. Abdij Dikninge, inv.nr. 1, fol. 53r, reg. 149 |
henric en reynolt van echten gebroeders verkoopen aan de abdij te Dickenynghen hun op stam staand hout in den Narle in het kerspel van Zuetwoelde, in 5 jaren te rooien, tegen 500 Geldersche guldens, in termijnen te betalen; met bepaling dat bij de betaling van den laatsten termijn de schuldbrief zal worden uitgeleverd. Met medebezegeling door hun broeder johan van echten ten teeken van zijne toestemming als eigenaar van het land, waarop de boomen staan.
Wij Henric van Echten ende Reynolt van Echten, gebrodere, doen kundich allen luden [toegevoegd in margine: Zuetwolde]
die dessen breef sullen sien ofte horen lesen dat wi vercoft hebben ghiesteliken
ende eerbaren luden den abt ende den ghemenen convent to Dickenynghen al dat holt
dat wi hebben staende in den Narle binnen den kerspel van Zuetwoelde dat holt
to ghebruken to horen wille. In deser manieren dat dat voers. holt daer mach staen-
de bliven sonder yemans wedersegghen twintich jaer lanc ende niet langher
om vijfhondert ghelresche gulden, of vierendetwintich placken voer elken
gulden, to bitalen to Meye naestcomende anderhalf hondert gulden ende daer-
na to Meye anderhalf hondert gulden ende ten derden Meye twehondert gulden.
Ende als men ons dat leste ghelt bitaelt, soe sullen wi haren brief weder over-
leveren dien wij van hem hebben sprekende van den ghelde voers. den ghenen
die ons dat leste ghelt bitaelt. In kennisse der waerheit soe hebben wij
Henric ende Reynolt voers. voer ons ende onse rechte erfg. desen breef bese-
ghelt mit onsen seghelen. Ende om die meerre sekerhede soe hebbe wij ghe-
beden Johan van Echten onsen broder, want die gront sijn is daer dit vo-
ers. holt op staet dat hie desen brief ierst beseghelen wil in enen teyken dat
hie sijn consent doet tot allen desen vorwarden voers. Ende ic Johan van Echten
voers. om bede willen Heinrix ende Reynoldes mijnre brodere voers. in enen
teyken dat ic al dese voerwaerden voers. consentier, soe heb ic desen breef
beseghelt mit minen seghel voer mij ende voer mine rechte erfg.. Ghe-
gheven in den jaer ons Heren dusent vierhondert ende dree, des donreda-
ghes voer Sancte Lucien dach.
die dessen breef sullen sien ofte horen lesen dat wi vercoft hebben ghiesteliken
ende eerbaren luden den abt ende den ghemenen convent to Dickenynghen al dat holt
dat wi hebben staende in den Narle binnen den kerspel van Zuetwoelde dat holt
to ghebruken to horen wille. In deser manieren dat dat voers. holt daer mach staen-
de bliven sonder yemans wedersegghen twintich jaer lanc ende niet langher
om vijfhondert ghelresche gulden, of vierendetwintich placken voer elken
gulden, to bitalen to Meye naestcomende anderhalf hondert gulden ende daer-
na to Meye anderhalf hondert gulden ende ten derden Meye twehondert gulden.
Ende als men ons dat leste ghelt bitaelt, soe sullen wi haren brief weder over-
leveren dien wij van hem hebben sprekende van den ghelde voers. den ghenen
die ons dat leste ghelt bitaelt. In kennisse der waerheit soe hebben wij
Henric ende Reynolt voers. voer ons ende onse rechte erfg. desen breef bese-
ghelt mit onsen seghelen. Ende om die meerre sekerhede soe hebbe wij ghe-
beden Johan van Echten onsen broder, want die gront sijn is daer dit vo-
ers. holt op staet dat hie desen brief ierst beseghelen wil in enen teyken dat
hie sijn consent doet tot allen desen vorwarden voers. Ende ic Johan van Echten
voers. om bede willen Heinrix ende Reynoldes mijnre brodere voers. in enen
teyken dat ic al dese voerwaerden voers. consentier, soe heb ic desen breef
beseghelt mit minen seghel voer mij ende voer mine rechte erfg.. Ghe-
gheven in den jaer ons Heren dusent vierhondert ende dree, des donreda-
ghes voer Sancte Lucien dach.
x
| Archiv | Drents Archief |
|---|---|
| Bestand | Arch. Abdij Dikninge |
| Zugangsnummer | 440 |
| Inventarnr. | 1 |
| Fol. Nr. | fol. 53r |
| Regestnr. | 149 |
| Jahr | 1403 |