Ic Johan van Hoenhorst in dier tiit richter in Zwolle doe kundich allen luden
dat voer my is ghecomen int gherichte ende in enen gheheechden hey
mael ende voer gherichts lude hiir na bescreven wyse Willam ende becan
de dat hie voer em ende voer siin erfgenamen schuldich is van gherechter
schult Jacob Wernerssoen ende sinen erfgenamen eenendetwintich comens
gulden of goet gheliic paeyment daer voer wellic voerscreven gelt hie ghe
lovet hevet in myne hant als in des gerichtes hant te geven ende wal
te betalen ghelike pacht die ene helfte tot paeschen naest comende
over een jaer ende die ander helfte daer na tot paesschen daer naest
volgende na date des briefs onvertreck sonder argelist Hiir weren
over ende an als gherichts lude Ernst van Dese ende Geert barbier
van Huessen ende anders goede lude. In orkunde des briefs bezegelt
mit mynen zegel om beden wil Willams voerscreven Gegeven int jaer ons
heren dusent vierhondert ende twe op sante Angneten dage.
Zegel sur simple queue verloren.

x

x

Archiv	Drents Archief
Bestand	H.A. Echten
Zugangsnummer	614
Inventarnr.	0616
Regestnr.	019
Jahr	1402
Datumcode	Agneti

x

x

Material	perkament