| Nummer:gus0024 | Datum:10. Juni 1457 | Überlieferung:Original | Fundstelle:Rep. 1 (Große Urkundensammlung), inv.nr. 0024 |
Schreiben der Stadt Hamburg an den Junker Ulrich Cirksena über ihre Einwirkung auf den Häuptling Tanno von Jever.
Deme erbaren junckheren Olricke to Norden, Emeden etc. hovetlinghe, unsseme bisunderen guden vrunde.
Unnssen vruntliken grud und wes wy gudes vormoghen. Erbare leve junckher, sunderghes gude ghunner unde frund. So gy uns, wo juw unde Siben, juweme leven oheme, unsseme vrunde, warninghe van Thannen Dueren, to Jever hovetlinghe, ghedan sii, gy juw vor ene unde de he to sik then kan, waren scholen, unde he darup ene kerken besettet hebbe, screven hebben etc., beghernde, wy juw twehundert schutten[*] to Elmessum an senden willen, hebben wy wol vornomen. Des, erbare leve junckher, dat juwer leve unde Siben unsseme frunde, Thanne sodane warninghe dan heft, is uns van herten leth, des gy uns in warheid wol gheloven moghen, hadden uns ok sodanes an Thannen nicht vormodet; wy willen dorch alles guden willen unsse merklike scrift an den obgenanten Thannen der sake halven schicken mit den ersten, unde mit flite vorsoken unde erfaren, wer he sodane sake darumme lichte de warninghe moghe schen wesen, icht vruntliken handellen edder in rechte erkennen unde sliten laten wille, up dat mer unroste unde vorder veide daraf nicht entstan dorve, unde wes uns van eme vor andwerde wedderfaret, willen wy juwen leven mit deme ersten wedder benalen, up dat men weten moghe, worna men sik richten schole. Gode almechtich siit sunt unde salich bevolen. Screven under unsser stad secrete, des frigdaghes in den Pinxsten, anno etc. L septimo.
Consules Hamburgenses.
Unnssen vruntliken grud und wes wy gudes vormoghen. Erbare leve junckher, sunderghes gude ghunner unde frund. So gy uns, wo juw unde Siben, juweme leven oheme, unsseme vrunde, warninghe van Thannen Dueren, to Jever hovetlinghe, ghedan sii, gy juw vor ene unde de he to sik then kan, waren scholen, unde he darup ene kerken besettet hebbe, screven hebben etc., beghernde, wy juw twehundert schutten[*] to Elmessum an senden willen, hebben wy wol vornomen. Des, erbare leve junckher, dat juwer leve unde Siben unsseme frunde, Thanne sodane warninghe dan heft, is uns van herten leth, des gy uns in warheid wol gheloven moghen, hadden uns ok sodanes an Thannen nicht vormodet; wy willen dorch alles guden willen unsse merklike scrift an den obgenanten Thannen der sake halven schicken mit den ersten, unde mit flite vorsoken unde erfaren, wer he sodane sake darumme lichte de warninghe moghe schen wesen, icht vruntliken handellen edder in rechte erkennen unde sliten laten wille, up dat mer unroste unde vorder veide daraf nicht entstan dorve, unde wes uns van eme vor andwerde wedderfaret, willen wy juwen leven mit deme ersten wedder benalen, up dat men weten moghe, worna men sik richten schole. Gode almechtich siit sunt unde salich bevolen. Screven under unsser stad secrete, des frigdaghes in den Pinxsten, anno etc. L septimo.
Consules Hamburgenses.
x
| Archiv | NStA |
|---|---|
| Bestand | Rep. 1 (Große Urkundensammlung) |
| Zugangsnummer | R001 |
| Inventarnr. | 0024 |
| Jahr | 1457 |
| Datumcode | VpPentec |