| Nummer:gus0066 | Datum:22. Febr. 1483 | Überlieferung:Original | Fundstelle:Rep. 1 (Große Urkundensammlung), inv.nr. 0066 |
Schreiben des Bischofs Heinrich von Münster an die Gräfin Theda von Ostfriesland mit der Bitte um einen Freipaß für eine Roggenladung.
Den edelen unsen leven nichten unde neven Theden, greffynnen, unde Ennen, greven in Oestvreslandt.
Hinrick van Godes genaden, bisscop to Munster unde administrator der hilgen kercken to Bremen.
Edelen leven nichts unde neve. Wy syn in meynonge, anlangen noch umbtrynt theyn offte elven last roggen to scheppe na Hollant durch unsen renthemester hyr in Emeslande, Otten van Basten, te doen schicken, den aldar vorkopen to latene, unde dar dorch etzlige provisie to behoiff unses huses to laten bestellen; begeren guetligen van u, dat gij uns sodanen roggen sunder yenich upholden unde belettent over uwe strome willen laten gaen, unde des sulck bevell unde bestellinge an de uwe to doene, dat sodane unse rogge sunder yenich belettent vorderliger over juwe strome hen gescheppet moge werden, dant latest geschach, uns do mercklich nadeell unde schaden inbrachte, uns dessen nicht to weygeren, als wy uns des ock so wall to u vorseen; dat wille wy gerne weder vorschulden, unde begeren uwe richtige beschrevene antworde by desen brenger. Gegeven to Meppen, up sunte Peters dach ad cathedram, anno etc. LXXXo tercio.
Hinrick van Godes genaden, bisscop to Munster unde administrator der hilgen kercken to Bremen.
Edelen leven nichts unde neve. Wy syn in meynonge, anlangen noch umbtrynt theyn offte elven last roggen to scheppe na Hollant durch unsen renthemester hyr in Emeslande, Otten van Basten, te doen schicken, den aldar vorkopen to latene, unde dar dorch etzlige provisie to behoiff unses huses to laten bestellen; begeren guetligen van u, dat gij uns sodanen roggen sunder yenich upholden unde belettent over uwe strome willen laten gaen, unde des sulck bevell unde bestellinge an de uwe to doene, dat sodane unse rogge sunder yenich belettent vorderliger over juwe strome hen gescheppet moge werden, dant latest geschach, uns do mercklich nadeell unde schaden inbrachte, uns dessen nicht to weygeren, als wy uns des ock so wall to u vorseen; dat wille wy gerne weder vorschulden, unde begeren uwe richtige beschrevene antworde by desen brenger. Gegeven to Meppen, up sunte Peters dach ad cathedram, anno etc. LXXXo tercio.
x
| Archiv | NStA |
|---|---|
| Bestand | Rep. 1 (Große Urkundensammlung) |
| Zugangsnummer | R001 |
| Inventarnr. | 0066 |
| Jahr | 1483 |
| Datumcode | CatPet |