Propst Hysko in Emden und Gerold Wyardisna, Bürger in Emden, bezeugen, daß die Kommende Muhde das Patronatsrecht in Petkum erhalten hat.
Universis ac singulis hanc litteram intuentibus pateat evidenter, ne acta cum tempore evanescant. Nos Hysko prepositus in Emeda nec non Gheroldus Wyardisna civis ibidem publice recognoscimus et fatemur, quod patroni et cives in Patyun[*] ius patronatus ecclesie in Patyun hospitalariis sacre domus in Muda[*] animo deliberato dederunt, sic videlicet, quod deinceps collacio ipsius ecclesie in Patyun ad dictos hospitalarios perpetuo debeat pertinere ipsique ecclesie tempore vacacionis de sacerdote ydoneo (debeant)[*] providere. In huius rei testimonium sigilla nostra huic littere sunt appensa. Datum anno Domini Mo CCCCo octavo, ipso die beate Appolonie virginis et martiris gloriose.
