| Nummer:haf244 | Datum: | Überlieferung:Origineel | Fundstelle:H.A. Farmsum, inv.nr. 0777, reg. 244 |
Inden Name odes Amen inden Jaer ons Heren Dusent vyffhundert ende Achte op Sancte Peter ende Pauwels Avent is to der eren godes in manyeren
hillixvorworden uuth gesproken ghemaket unde ghededingeht een hillich echtscap tusschen den Erbereb Luert Kater hovetlinck to Fframa unde
Husinghe vander eenre syde unde Jonffer Bawe Ripperda dochter hovetlinck tho Dychusen Wydwardt Holwyrde etc. vander
ander syde Inden eersten is uuthghesproken unde bevorwordt dat Luerts vorscr. lant erven unde guederen sullen guet wesen des yaers anderhalff hunndert
rinsgulden unde hondert postelates gulden leen guederen in Groningen des yaers Item hyr en tegen sall Eggert Ripperda vorscr. syn dochter weder geven
hoer salyghe moder ende grotemoder erffnisse ende weder waer de ghelegen synt hoer part na Ffywelingsche lantrecht Golt unde sylverwerck
ghewracht als hoer salyghe moder ende grote moder plachten to hebben Unde besunderlinghe twe heerden de ene gheleghen to Crewert gheheten
Bunnumma heert unde een heert gheleghen in Leermenster kerspell daer in ter tyt up wonet Johan Brugman beholdelyck Evert Ripperda myt
syn susters dat uuterdyck unde yaerlykes uuth Brugmans heert vier arens gulden welkeer heerden Luert Kater unde Jonffer Bawe sullen bruken
unde na enich versterff de heerde weder in to bringen als inden breeff geroret is unde wes daer noch is van huus unde hoffstede unde alle heerlicheyt
sal Evert Ripperda hoer broder byholden, unde al dat hem ankomen kan Item voertmeer sall de Jonffer voerghenaempt oeck hebben wes hoer tot
hoer anpart mach to komen na hoer vader doet van alle versterff na Ffywelinpghe lantrecht Item Oeck sint vorworden weert sake Luert vorscr. voer
de Jonffer storve sonder wytlyke gheboerte sall se hebben uuth een heert gheheten Houwerda heert by Fframa achtentwyntich rinsgulden lyffrente
hoer levent lanck Weert sake de heert also guet nycht en were als achtentwyntich rinsgulden twe hoernekens gulden voer den gulden Mach se
dan manen over alle Luerts guet unde erven myt wat rechte hoer des belevet waer de ghelegen sint unde na hoer doet weder omme erven op de
rechte erffgenamen Item weert sake Luert de Jonffer verlevet sail he uuth hoer guet hebben vierteyn Rynsgulden als vorscr. is de des jaers oeck
to manen myt wat rechte hem belevet uuth de voergenaempte heerden als to Crewart unde to Leermens gelegen weert sake de erffnisse off gueden
so guet oick nycht en weren mach Luert vorscr. de XIIII rinsgulden des yaers oeck manen over all hoer guet unde erve waer de gheleghen sint unde na
synre doet weder to erven op de rechte erffgenamen Item Oeck als sie to samen to bedde hebben gewest na statuten steden manieren uuthwysinge
des ghebodes der hilger kercken sullen all de tylber guederen halff unde halff wesen watmen dryven unde dragen mach uuth bescheyden de husinge
to Fframa de se beyden na laten Item Oeck sint verworden dat Jonffer Bawe alsodane guederen hoer to gewesen werden sal se broken tot der
tyt enich versterff unde dan hoer koer mach hebben off sie de sulve wil weder in brengen dan to ontvallen in anderen gueden hoer dan
an komen moghen off an ghekomen is Item Oeck is bescheyden unde belevet dorch
Luert Kater also vene alst de voermunders der Jonfferen verscc.
belevet dat alle landen gheleghen by den huseren unde hoffsteden de tot den huseren
ghebruket plachten to werden welcke huseren verstorven
synt off verstorven mochten werden sullen blyven by den husen so vere als Evert
Ripperda den susteren in enen guet lant unde erffnisse en ander
wech so vele uuthwysen will ende mach dit als vermeldet is na Ffywelinge lantrecht
Dat dyt allen stede unde vast alsus onverbroken sall
werden gheholden tot ware oerkunde hebben wy Eggert Ripperda tho Wytwert Dychusen
etc. hovetlinck Snelger Houwerda tho Oterdum
Droste hovetlinck then Damme Luert Kater tho Fframa unde Husingen hovetlinck Dethmer Rengers then Dyke onse Segelen wytlick ghe
hangen an dessen hillixvorworden breeff Inden Jaer unde Daghe boven ghescreven.
hillixvorworden uuth gesproken ghemaket unde ghededingeht een hillich echtscap tusschen den Erbereb Luert Kater hovetlinck to Fframa unde
Husinghe vander eenre syde unde Jonffer Bawe Ripperda dochter hovetlinck tho Dychusen Wydwardt Holwyrde etc. vander
ander syde Inden eersten is uuthghesproken unde bevorwordt dat Luerts vorscr. lant erven unde guederen sullen guet wesen des yaers anderhalff hunndert
rinsgulden unde hondert postelates gulden leen guederen in Groningen des yaers Item hyr en tegen sall Eggert Ripperda vorscr. syn dochter weder geven
hoer salyghe moder ende grotemoder erffnisse ende weder waer de ghelegen synt hoer part na Ffywelingsche lantrecht Golt unde sylverwerck
ghewracht als hoer salyghe moder ende grote moder plachten to hebben Unde besunderlinghe twe heerden de ene gheleghen to Crewert gheheten
Bunnumma heert unde een heert gheleghen in Leermenster kerspell daer in ter tyt up wonet Johan Brugman beholdelyck Evert Ripperda myt
syn susters dat uuterdyck unde yaerlykes uuth Brugmans heert vier arens gulden welkeer heerden Luert Kater unde Jonffer Bawe sullen bruken
unde na enich versterff de heerde weder in to bringen als inden breeff geroret is unde wes daer noch is van huus unde hoffstede unde alle heerlicheyt
sal Evert Ripperda hoer broder byholden, unde al dat hem ankomen kan Item voertmeer sall de Jonffer voerghenaempt oeck hebben wes hoer tot
hoer anpart mach to komen na hoer vader doet van alle versterff na Ffywelinpghe lantrecht Item Oeck sint vorworden weert sake Luert vorscr. voer
de Jonffer storve sonder wytlyke gheboerte sall se hebben uuth een heert gheheten Houwerda heert by Fframa achtentwyntich rinsgulden lyffrente
hoer levent lanck Weert sake de heert also guet nycht en were als achtentwyntich rinsgulden twe hoernekens gulden voer den gulden Mach se
dan manen over alle Luerts guet unde erven myt wat rechte hoer des belevet waer de ghelegen sint unde na hoer doet weder omme erven op de
rechte erffgenamen Item weert sake Luert de Jonffer verlevet sail he uuth hoer guet hebben vierteyn Rynsgulden als vorscr. is de des jaers oeck
to manen myt wat rechte hem belevet uuth de voergenaempte heerden als to Crewart unde to Leermens gelegen weert sake de erffnisse off gueden
so guet oick nycht en weren mach Luert vorscr. de XIIII rinsgulden des yaers oeck manen over all hoer guet unde erve waer de gheleghen sint unde na
synre doet weder to erven op de rechte erffgenamen Item Oeck als sie to samen to bedde hebben gewest na statuten steden manieren uuthwysinge
des ghebodes der hilger kercken sullen all de tylber guederen halff unde halff wesen watmen dryven unde dragen mach uuth bescheyden de husinge
to Fframa de se beyden na laten Item Oeck sint verworden dat Jonffer Bawe alsodane guederen hoer to gewesen werden sal se broken tot der
tyt enich versterff unde dan hoer koer mach hebben off sie de sulve wil weder in brengen dan to ontvallen in anderen gueden hoer dan
an komen moghen off an ghekomen is Item Oeck is bescheyden unde belevet dorch
Luert Kater also vene alst de voermunders der Jonfferen verscc.
belevet dat alle landen gheleghen by den huseren unde hoffsteden de tot den huseren
ghebruket plachten to werden welcke huseren verstorven
synt off verstorven mochten werden sullen blyven by den husen so vere als Evert
Ripperda den susteren in enen guet lant unde erffnisse en ander
wech so vele uuthwysen will ende mach dit als vermeldet is na Ffywelinge lantrecht
Dat dyt allen stede unde vast alsus onverbroken sall
werden gheholden tot ware oerkunde hebben wy Eggert Ripperda tho Wytwert Dychusen
etc. hovetlinck Snelger Houwerda tho Oterdum
Droste hovetlinck then Damme Luert Kater tho Fframa unde Husingen hovetlinck Dethmer Rengers then Dyke onse Segelen wytlick ghe
hangen an dessen hillixvorworden breeff Inden Jaer unde Daghe boven ghescreven.
x
| Archiv | Groninger Archieven |
|---|---|
| Bestand | H.A. Farmsum |
| Zugangsnummer | 619 |
| Inventarnr. | 0777 |
| Regestnr. | 244 |
| Jahr | 1508 |
| Datumcode | vPetPau |