Menno Sickema verkoopt aan Geert van Enschede een jaarlijkse rente van vijf mud goede droge rogge uit zijn land te Midwolde, waarvoor zich Ile Teynge borg stelt.

Wij borghermester ende raedt yn Groeningen betuegen myt
dessen openen breve, dat vor uns ys ghekomen Menno Sickema
ende bekande vor hem ende sijnen arffg. dat he hevet verkofft up-
ghedragen ende overgegeven Geerdt van Enschede ende sijnen arffg.
vijff mudde guedes droeghen roggen jaerliker rente, tho betaelen
jaerlix up datum 's breves offte myt botbreven yn tho manen, tho boeren
ende tho manen uuth ende aver alle Menno vors. ghoederen tho Mydt-
wolde, oick wo ende waer de ghelegen moegen sijn, ghene daervan
uuthgenomen, vrij ende quijdt ende vrij daeruuth tho waeren, voer ene
summe geldes de Menno vorg. bekande dat hem vull ende all ys be-
taelt, myt vorworden dat Menno vors. ende sijnen arffg. desse vorg.
rogghen renten tho allen tijden moegen weder aff, vrij ende quijdt
kopen myt hundert arnsg. ende mytter vuller rente, thein unser
stadt stuvers vor datum 's breves gemuntz offte payment datter
guedt vor is, vor elcken gulden gerekent. Hyr is noch tho gespro-
ken dat Menno vors. offte sijne arffg. dat mudde van den vors. rog-
ghen rente jaerlix moegen betaelen myt twintich stuvers
vors. payments ende wanneer dat mudde roggen myn gelt als
twintich stuvers so sullen Menno vorg. offte sijne arffg. dat
mudde roggen jaerlix betaelen als vors. ende gheen gelt. Vorder
ys vor uns erschenen Ile Teynge ende ys vor hem ende sijne arffg.
vor de vors. rogghen rente ende principaell waerborghe geworden
Geerdt vors. ter handt. Sunder argelist. Dat oerkunde wij myt
unser stadt segell. Gegeven in den jaer unses heren dusent vijff-
hundert eenendedartich, maendages na Conceptionis Marie, do Evert
Mepsche, Johan Schatter, Lubbert Ulger ende Reynt Albarda bor-
ghermester weren unser stadt.

x

x

Archiv	Groninger Archieven
Bestand	H.A. Nienoord
Zugangsnummer	626
Inventarnr.	26
Jahr	1531
Datumcode	LpConMar

x

x

x