| Nummer:han057ba | Datum:1481 | Überlieferung: | Fundstelle:H.A. Nienoord, inv.nr. 0057b |
In den name Godes amen. inden jare domen schreff dusent
verhondert eynentachtentich des maendages na synte Egidius hevet de Ersame Vrouwe Syert salige Otten Terhanzouwen weduwe
gegunt togestan ende gegeven ewentliken unde arfflicken den Calenda broderen tho Baffelte dat heem myt der grafft dat se liggende hevet
op die Dingen yn Baffelder karspell dar nu der tyt Dueke ende Gertruyt up wonende synt beholdelick besitter des egendoms Meyyema
heert alle die rechtinge ende herlicheiden dy nu der tyt up dit vorscr. heem vallende synt ofte in ewicheit up vallen mogen. Ende dit
vorscr. heem myt der graft als vorscr. is sullen ende mougen de kercheer to Baffelte myt den o9ldermans der vorscr. Calenda verhueren tho oeren beesten den geenen de dat anderlandt ynde huere hevet dat yn vortiden van Meyyema totter kercken to Baffelte geboket is ende anders nemant Ende wert sake dat desse vorbenomde personen yn nakomende tyden myt dit
vorscr. heem den meyyer de dan dat andere lant ynde huere hevet over vallen wolde dat onredelick were so sal dat tot
allen tiden staen up de verclaringe besitter des egendoms Meyyema heert ende de huere van dessen vorscr. heeme sullen
desse vorscr. Calenda broderen ynmanen ende opbueren up twe termynen de helfte tho Sinte Egidius ende de andere helfte
tho Paesche achten tot nutticheit orer Calenda ende dit vorscr. heem hevet de Ersamen Vrouwe Syert den vorscr. Calenda
broderen to gestan ende gegeven als vorscr. is umme salicheit orer zeelen ende alle orer vrunden zeelen Ende alle de lieve zeelen
do van Meyyema heert gestorven synt ende vor desse vorscr. gave ende gunst hevet de Ersame Vrouwe Syert begeert vanden
geneynen Calenda broderen besunderlinge memorie to holden alse de Calenda holden vor oer ende desse nabescreven zeelen Inden ersten
Luloff Meyyema, Elste Meyyema, Wicbolt Leuwe, Otto Terhanzouwe, Fecke Meyyema, Asynga Meyyema saliger gedachtenissen. Hir
hebben bi an ende overgewest heer Brunger inden Andel curet notarius Asego Aylkuma hovelinck to Rasswert Heer Luedeken
Heer Johan van Groningen Vicarii to Baffelte als tugesluden hir over geropen ende gebeden ende omme de mere bevestenisse
want ick vrouwe Syert vorscr. nuu der tyt selven gein zegel en bruke so heb ick gebeden den Ersamen meister Albert
Vreese personqa ende Curet inder tit to Baffelte dessen breff over my tobezegelen dat ick Albertus gherne gedan hebbe umme
beede willen Syerdes inder tit mynder karsspel vrouwe tho Baffelte so heb ick min seegel beneden an dessen breff gehangen.
Datum als vorscr. is etc.
??
verhondert eynentachtentich des maendages na synte Egidius hevet de Ersame Vrouwe Syert salige Otten Terhanzouwen weduwe
gegunt togestan ende gegeven ewentliken unde arfflicken den Calenda broderen tho Baffelte dat heem myt der grafft dat se liggende hevet
op die Dingen yn Baffelder karspell dar nu der tyt Dueke ende Gertruyt up wonende synt beholdelick besitter des egendoms Meyyema
heert alle die rechtinge ende herlicheiden dy nu der tyt up dit vorscr. heem vallende synt ofte in ewicheit up vallen mogen. Ende dit
vorscr. heem myt der graft als vorscr. is sullen ende mougen de kercheer to Baffelte myt den o9ldermans der vorscr. Calenda verhueren tho oeren beesten den geenen de dat anderlandt ynde huere hevet dat yn vortiden van Meyyema totter kercken to Baffelte geboket is ende anders nemant Ende wert sake dat desse vorbenomde personen yn nakomende tyden myt dit
vorscr. heem den meyyer de dan dat andere lant ynde huere hevet over vallen wolde dat onredelick were so sal dat tot
allen tiden staen up de verclaringe besitter des egendoms Meyyema heert ende de huere van dessen vorscr. heeme sullen
desse vorscr. Calenda broderen ynmanen ende opbueren up twe termynen de helfte tho Sinte Egidius ende de andere helfte
tho Paesche achten tot nutticheit orer Calenda ende dit vorscr. heem hevet de Ersamen Vrouwe Syert den vorscr. Calenda
broderen to gestan ende gegeven als vorscr. is umme salicheit orer zeelen ende alle orer vrunden zeelen Ende alle de lieve zeelen
do van Meyyema heert gestorven synt ende vor desse vorscr. gave ende gunst hevet de Ersame Vrouwe Syert begeert vanden
geneynen Calenda broderen besunderlinge memorie to holden alse de Calenda holden vor oer ende desse nabescreven zeelen Inden ersten
Luloff Meyyema, Elste Meyyema, Wicbolt Leuwe, Otto Terhanzouwe, Fecke Meyyema, Asynga Meyyema saliger gedachtenissen. Hir
hebben bi an ende overgewest heer Brunger inden Andel curet notarius Asego Aylkuma hovelinck to Rasswert Heer Luedeken
Heer Johan van Groningen Vicarii to Baffelte als tugesluden hir over geropen ende gebeden ende omme de mere bevestenisse
want ick vrouwe Syert vorscr. nuu der tyt selven gein zegel en bruke so heb ick gebeden den Ersamen meister Albert
Vreese personqa ende Curet inder tit to Baffelte dessen breff over my tobezegelen dat ick Albertus gherne gedan hebbe umme
beede willen Syerdes inder tit mynder karsspel vrouwe tho Baffelte so heb ick min seegel beneden an dessen breff gehangen.
Datum als vorscr. is etc.
??
x
| Archiv | Groninger Archieven |
|---|---|
| Bestand | H.A. Nienoord |
| Zugangsnummer | 626 |
| Inventarnr. | 0057b |
| Jahr | 1481 |
| Datumcode | LpEgidii |