| Nummer:kfh303 | Datum:20 nov. 1551 | Überlieferung:Afschrift | Fundstelle:Arch. Klerken- en fraterhuis, inv.nr. 0134, reg. 303 |
Wy ghemene bureren ende eghen erffden van Borck bekennen mit desen
bezegelden wylkoers breeff dat wy een paertlicke hebben gewylkoert als
hyr na beschreven stait Inden corsten, soe well den buren offte eygen
erffden oeken holt uuten holte houwet offte saget de sall den hoeren
ghebroken hebben twe mael vyfftyn marck ende de eygen erffden two
maell vyfftin marck. ende dat van een yder steve offte toecht ende men
sall nochtans den roeff wederomme in oesschen. Ten anderen soe wie dat
enich duffholt houwet hee sy ghewaert offte ongewaert de sall den heeren
breken van een yder stamme vyfftin marck ende den eegenarffden cyfftin
marck. Beholtlyken dat die daer bewaert synt moghen oer bautroey ende
decheltwych daer uuth houwen. Ten darden soe sall nemant he sy daer
ghewaert offte ongewaert, iuden holte offte thusschen dat holt ende dat dorpt
bynnen offte buyten den eyssche plaggen meyer wie dat doet de
sall van een yder voer den hoeren breken vyfftin marck. Ten veerden
soe wat scheper offte buer luyden die de schapen in dat holt hoeden offte de
ocyen omme de rogge hoeden de sall den heren breken twe mael vyfftyn marck
ende den eygen erffden twe maell vyfftin marck. Ten vyfften soe wie in
onsse diep offte vysschenge vysschet de daer neet gewandelt ende is de sall den
heeren breken vyfftin marck ende den egenarffden vyfftin marck alsoe vaeken
als se dat doen. Tom sesten soe wie groene plaggen up onsse groenelandt steket
ende leem in onsse marck grafft, die X daer neet gewaert is, de sal den heeren
breken van een yder voer plaggen ende van een ydder voer leems byfftin marck, ende
den eygen arffden van een yder voer vyfftin marck. Ten sovensten sall een
yder eegenarfft ende een yder meyer man de sollen elken des jaers by dem an-
deren komen ende de broken de den eygen arffden tho kompt uuth manen by een.
peene van twe dalers die daer neet compt, ende dat salmen doen achtedage voer
natiuitatis Mariac. Ten achsten sal een uder arffbuer sich eerschinen laten wy
de ghoes sprake offte eenen machtich maken van synen weghen by pene van twe
dalers de daer neet ende compt. Ten negensten sal een yder waer des jaers ende
alle jaer poten ende leven dich holden veer jonghe telligen van eken stammen
in borherholt daer sy bequaem synnen tho poten by pene van een yder tellighe
een oert van een daler, in een teecken der waerheyt soe hebben wy ghemene
egenarffden een partelyken gebeden de ffratres onsse mede eghenarffden dessen
breeff over ons tho bezegelen, ende wy frateres voerscr. hebben omme bede wyl-
len unsse mede oegenarffden ende mede voer ons selven, convents zeghell
beneden an dessen breeff gehangen, inden jaere ons heeren duysent vyff
hondert ende eenen vyfftich up den twintichsten novembris
in dorso: Copiae van de wylkoers breeff thusschen de eegenaaffden van Borck onder den klockenslach van Anloe.
bezegelden wylkoers breeff dat wy een paertlicke hebben gewylkoert als
hyr na beschreven stait Inden corsten, soe well den buren offte eygen
erffden oeken holt uuten holte houwet offte saget de sall den hoeren
ghebroken hebben twe mael vyfftyn marck ende de eygen erffden two
maell vyfftin marck. ende dat van een yder steve offte toecht ende men
sall nochtans den roeff wederomme in oesschen. Ten anderen soe wie dat
enich duffholt houwet hee sy ghewaert offte ongewaert de sall den heeren
breken van een yder stamme vyfftin marck ende den eegenarffden cyfftin
marck. Beholtlyken dat die daer bewaert synt moghen oer bautroey ende
decheltwych daer uuth houwen. Ten darden soe sall nemant he sy daer
ghewaert offte ongewaert, iuden holte offte thusschen dat holt ende dat dorpt
bynnen offte buyten den eyssche plaggen meyer wie dat doet de
sall van een yder voer den hoeren breken vyfftin marck. Ten veerden
soe wat scheper offte buer luyden die de schapen in dat holt hoeden offte de
ocyen omme de rogge hoeden de sall den heren breken twe mael vyfftyn marck
ende den eygen erffden twe maell vyfftin marck. Ten vyfften soe wie in
onsse diep offte vysschenge vysschet de daer neet gewandelt ende is de sall den
heeren breken vyfftin marck ende den egenarffden vyfftin marck alsoe vaeken
als se dat doen. Tom sesten soe wie groene plaggen up onsse groenelandt steket
ende leem in onsse marck grafft, die X daer neet gewaert is, de sal den heeren
breken van een yder voer plaggen ende van een ydder voer leems byfftin marck, ende
den eygen arffden van een yder voer vyfftin marck. Ten sovensten sall een
yder eegenarfft ende een yder meyer man de sollen elken des jaers by dem an-
deren komen ende de broken de den eygen arffden tho kompt uuth manen by een.
peene van twe dalers die daer neet compt, ende dat salmen doen achtedage voer
natiuitatis Mariac. Ten achsten sal een uder arffbuer sich eerschinen laten wy
de ghoes sprake offte eenen machtich maken van synen weghen by pene van twe
dalers de daer neet ende compt. Ten negensten sal een yder waer des jaers ende
alle jaer poten ende leven dich holden veer jonghe telligen van eken stammen
in borherholt daer sy bequaem synnen tho poten by pene van een yder tellighe
een oert van een daler, in een teecken der waerheyt soe hebben wy ghemene
egenarffden een partelyken gebeden de ffratres onsse mede eghenarffden dessen
breeff over ons tho bezegelen, ende wy frateres voerscr. hebben omme bede wyl-
len unsse mede oegenarffden ende mede voer ons selven, convents zeghell
beneden an dessen breeff gehangen, inden jaere ons heeren duysent vyff
hondert ende eenen vyfftich up den twintichsten novembris
in dorso: Copiae van de wylkoers breeff thusschen de eegenaaffden van Borck onder den klockenslach van Anloe.
x
| Archiv | Groninger Archieven |
|---|---|
| Bestand | Arch. Klerken- en fraterhuis |
| Zugangsnummer | 1237 |
| Inventarnr. | 0134 |
| Regestnr. | 303 |
| Register Feith | 1551.009 |
| Jahr | 1551 |
| Datumcode | 2011 |