Rolef Polleman oorkondt dat hij ten behoeve van de abt en het convent van Selwert afstand heeft gedaan van alle aanspraken die hij had op het goed van Henrick Curtinge, gelegen in Borchmanne Hamme, welke verklaring mede wordt bezegeld door Henrick Polleman, zijn oom, en Otto Polleman, burgemeester in Groeninghen, zijn neef.

lck, Rolef Polleman, doe kundich allen luden, dat ick quytghesculden heb ende quytschelde in desen openen brieve den abt ende dat ghemene convent van Selwert van alle ansprake, die
ick voer desen dage op den abt ende op dat convent vors. van Henrick Curtinges guede ende erve, dat in Borchmannehamme gheleghen is, ghehad hebn off hebn mach, alsoe dat ick noch i myne kinderen noch mijn erfgenamen noch niemant van mijnre kinder weghen noch van mijnre l erfgenamen weghen in gheenrehande wijs op den abt of op dat convent voers. van desea voers. guede ende erve meer moeghen spreken. Dat orkunde ick Roelef vors. mijt mynen zeghel. Ende om die mere vestinge soe hebbe ick ghebeden Henrick Polleman, mynen oem, ende Otto Polleman, borghemeystere in Groeninghen, mynen neve, desen brief mede toe beseghelen mijt horen seghelen. Ende wy, Henrick ende Otto vors., om bede wille Rolefs onses neven vors. soe hebbe wy onse zeghelen mede an desen brief ghehanghen. Ghegheven int jaer ons Heren dusent driehondert twe ende tachtentich op sunte Lamberts dach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 003r
Regestnr.	41
Olim	Arch. Klooster Selwerd, inv.nr. 1, reg. 1.
Jahr	1382
Datumcode	Lamber

x

x

Material	perkament

x

Editionen	Oorkondenboek Groningen en Drente, nr. 707 (ogd0707).