Abt Rispert en de gemene oudermannen van Adewert enerzijds en burgemeesters en raad te Groeningen anderzijds, sluiten een vredesverdrag die zal duren tot ( mei 1 sente Walburgedach) 1388.

Wy, her Rippert, abbet, ende ghemene oldermans
des conventes van Adewart, borgermestere ende raet der
stadt van Groninghen, bekennen ende betugen in
desen openen breve, dat wy eenen vrede heb-
ben begrepen stede ende vast male mit
anderen to holden als van der scelinge,
de wy ondertuschen hebben, duirende tuschen
hijr ende sonte Wolburgedach in den
Meye naestkomende ende den dach al.
Int ijrste so loven wy, abbet ende ghemene
oldermans vors., vor ons, vor onse con-
venteslude, vor onse vorwarkesluede, vor
onse broeteters, vor alle deghene, de in
unse husinghen wonachtich sint, ende vor
al onse landtzaten desen vors.
vrede stede ende vast to holden mit der
stadt van Groningen vors. Ende wy, borger-
mesteren ende raet vors., loven vor ons
ende vor alle deghene, de in unsen stadt
wonachtich sijn, desen vors. vrede stede
ende vast to holden mit den convente van
Adewart vors. ende mit alle denghenen,
de vors. sint, sunder jenegherhande argelist,
ende hijrenbijnnen mijnlike daghe
tho holden, wanneer ons dat beyde lyke
kornet,
ende dese vors. scelinge to scheyden by den vieren,
de wy an beyden syden daerto ghenomen
hebben. Ende konnent de vier niet gescheyden,
so nemen dese vier vier redelyke zoenlude
tot hem gheestelich of werlich. Ende moghent
de achte niet scheyden. so kiesen sie enen ge-
lyken overman, opdat de vors. scelinge
ommer gescheiden worde. Ende met weliken
vieren die vors. overman anvalt, daer sal
de vors. sake mede gescheiden wesen sunder
enegherhande wederseggen. Ende waer enich
persoen van beyden syden, de desen vors. vrede
brake, dat sal men berechten sunder ver-
trech ende nochtan so sal dese vors. vrede
stede ende vast staen, als vors. is.
Voert so loven wy, abbet ende ghemene older-
mans vors., dese vors. vrede stede
ende vast to holden mit Hillinge partye in
Langewolt, in Vredewolt, in Hummerkerland
ende in Mydogherland in allen gevoghe ende
in allen maneren als vors. is
tuschen ons ende de stad van Groningen.
Ende wy, ghemene Hillinge partye vors.,
loven dese vors. vrede stede ende
vast to holden vor ons ende vor onse broeteters
mit den ghernenen convente van Adewart
vors. ende mit al denghenen,
die in desen vors. vrede benomet
sijn in desen breve.
In oirkunde so hebben wy, abbet ende oldermans
vors., onses conventes seghel ende wy,
borgermestere ende raet vors., onses
stades zeghel vor ons selven ende oech omme
bede willen Hillinghe partye vors. an
desen breef ghehanghen, daer ons Hillinghe partye
vors. an genoghet. Ghegeven int jaer ons
Heren dusent drehondert soven ende tach-
tich op sente Mauricius dach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	30
Regestnr.	46
Olim	Reg. Feith 1387.1.
Jahr	1387
Datumcode	Maurit

x

x

Material	papier

x

Editionen	Oorkondenboek Groningen en Drente, nr. 775 (ogd0775).

x