Burgemeesters en raad te Groningen verklaren dat Johan van Hervorde en Wendelmoet, echtelieden, tegen zekere voorwaarden legateren aan de meesterse en de zusters van het Vrouw-Menoldaconvent te Groningen een jaarlijkse rente van 29 gulden, gaande uit Johans huis aan de Gulden Rijp.

Wy borgermestere ende raed in Gronyngen bekennen ende betughen myt dessen
openen breve dat voer ons is ghecomen Johan van Hervorde ende Wen-
delmoet syn echte huys vrouwe ende bekanden dat se myt oren vrien
willen ende myt goeden voerberaet hebben ghegeven ende geven tot
ener ewigher testaments gave voer oer zielen zalicheit ende der ghenre
daer se dat sculdich synt voer toe doene der mesterschen ende den
susteren van Vermeynolde convent in Gronyngen neghen ende twyntich
guldene renthe twelff olde butkens off neghen olde vlemschen
korte groete off sovendehalff vlemsch krumstert off vijff olde
Johannes burgoensch voer elken gulden de gheslaeghen synt voer
datum dess breves gherekent eweliken elkes jaers toe nemen ende
toe boren, als een stad recht is wt Johans vorsc. huys daer he nu
ter tijt inne woent In vorwerden ende manieren als hijr na ghesc.
staet Int eerste dat de mestersche ende susteren vorsc. sollen eweliken
elkes jaers van der vorsc. renthe gheven Teyn cloesteren als Essen
Zelewerth den Olden Cloester inde Merne Reyde Wijtwaert Verade-
werde cloester toe den Buren toe den Nijen Cloester toe Ramsweer
ende toe Ffelwierde elken convente darden halven gulden Ende mytten
vorsc. gelde sollen de mestersche ende susters vorsc. copen olije daer se
best veile is in Groningen ende gheven de olije elke convente vorsc. teghen
de vaesten tot ewighen daeghen, meer de vorsc. convents luden sollen
de vorsc. olye selven halen laeten Ende de olije sal wesen toe behoff
der presteren ende geleerder nonnen der vorsc. conventen ghelike omme toe
delen Ende voer dese testaments gave vorsc. soe sal elck convent vorsc.
des iaers begaen twe memorien voer Johans ende Wendelmodes
vorsc. zielen ende oer kindere zielen de ene memorie in der weke als
sunte Andreas dach comet Ende de ander memorie in der weke als
comet sunte Tyburcius dach in den meye gheliker wijs als de conventen
vorsc. memorie van oren presters pleghen toe begaen tot ewigen daegen.
Item worde enych van den vorsc. convent vorsc. verghenge alsoe
seer dat se noch prester noch gheleerde nonnen ende hadden, soe en solde
men hem de jaerlix renthe nyet gheven meer de soldemen den anderen
convente vorsc. ghelike delen all went ter tijt dat se presters ende
geelerde nonnen weder krighen de dese vorsc. memorien begaen
mochten Soe solde men dan hem oer renthe vorsc. weder gheven
ghelijck den anderen convente vorsc. Item soe wes daer dan meer
blivet van desse vorsc. rente dat sal wesen dat sal wesen (sic) toe des
vorsc. convents behoff van Vermeynolde convente toe ewighen daegen
voer Johans syns wijffs ende kinderen zielen toe bidden Ende dese vorsc.
punten hebben de mestersche ende de ghemene susteren vorsc. voer ons
bekant dat se de anghenomen hebben voer em ende voer oer nakoe-
melyngen ende hebben Johanne ende Wendelmode vorsc. ghelovet dat wal
toe bewaeren tot ewighen daeghen by oren consciencien Hijr
\regelnr 1; is toe ghesecht weert dat dit vorsc. steenhues verquade alsoe
dat de rente mede quade daer en sal dat vorsc. Vermeynolde
convent ghenen scaeden by lijden meer den scaeden sollen de vorscr.
conventen all gelike lijden Dat vorsc. steenhues is ghelegen in de
Gulden Rijpe daer Ludekens hues ten Wijnhues naest ghelegen
is up de oester zijd ende Johans hues van Lijnghen up de wester
zijd Dat oerkunde wy myt onser stad zegel Ghegeven inden
jaer ons heren dusent vierhundert acht ende twyntich up Sunte Bonyfacius
dach doe Evert Hubbeling Ludolff Sicking Folkeer Maurissing
ende Deetmer Rengers Borgermestere weren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	2
Fol. Nr.	fol. 43v
Regestnr.	131
Olim	Losse kloosterstukken, inv.nr. 1, reg. 6.
Jahr	1428
Datumcode	Bonifa

x

x

Material	perkament