Burgemeesters en raad te Groningen verklaren dat Roeleff Wijbens verkoopt aan Johan Colner 2 1/2 roeden land op de Lange Maeden.

Wy Borgemesteren ende Raed in Groningen Betugen ende beken-
nen mit dessen openen brieve Dat vor ons gecomen is Roeleff Wybens
bekennende Dat hie hevet vercofft oppgedragen ende overgegeven Droech
opp ende gaff over vor em ende synen erffgenamne Johan Colner ende zijnen
erffgenamen Derde halff roede landes vrij ende quijt mit allen rechte ende
egendoeme erffliken ende eeweliken toe bruken ende toe besitten Vor een sum-
me geldes die Roeleff vorschreven bekande Dat em vul ende all is betaelt
Desse vorschreven derde halff roede landes sint gelegen opp die lange mae-
den streckende oest ende west Daer Ludekijn Evert Wigboldes soene erve
naest by licht opp die zuetzijde Dat orconde wy mit onser Stadzegel Ge-
geven in den iaer ons heren Dusent vierhondert veer ende Dertic
Opp sunte Katerijnen avent Doe Bruen Clinge, Otto Clant, Ludeken
Evert Wigboldes soene vorscr. ende Evert Iarghes Borgemestere weren onser
Stadt.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 072r
Regestnr.	158
Olim	Arch. Klooster Selwerd, inv.nr. 1, reg. 35.
Jahr	1434
Datumcode	vCathar

x

x

x

Material	perkament