Eneko, kerkheer te Leermense, Fecko, kerkheer te Holwierde, en Luder Grovynck, scheidsrechters in het geschil tussen Seyno, abt te Feldwiert, en zijn conventualen enerzijds en Roloff, kerkheer te Godlynse, Dode Allersma, hoofdeling te Godlynse, zijn zwager Dydeke, Willem Klant, hoofdelingen en de kerspellieden van Godlynse, anderzijds, over de aanspraken van het convent op een derde deel van de Godlynser uiterdijk, bepalen dat het convent slechts zoveel uiterdijks land mag bezitten als het roeden van de Godlynser dijk onderhoudt.

Wy heer Eneko kercheer toe Leermense heer Ffecko kercheer
toe Holwierde Ende Luder Grovynck gekoren segghes lude van
beiden parten hijr nae ghescreven by sekeren penen inder schelynghe
tusschen heer Seynen in der tijt Abt ten Olden cloester toe Ffeld-
wiert ende den conventes luden an de ene zijt Ende her Roloff inder-
tyt kercheer toe Godlijnse Dodeke Allersma hovelynck toe
Godlynse Dydeken synen swager Wilm Klant hofflinen Ende ghe-
mene kerspelslude toe Godlynse an de ander zijt Inder schelyngen
ende twystpan de daer was tusschen de parten vorscr. Als van schey-
dynge ende delynge der uterdijke toe Godlynse Dat de abt ende convents-
lude vorscr. van anspreken den darden part hebben wy vorscr. seggeslude
geendighet ende neder ghelecht in vrunscappen Hyr nae bescreven alsoe
naeden dat de Abt ende Convents lude vorscr. dat besyt des darden
parten des uterdijkes vorscr. soe claerliken nyet bewysen en konden
daer ons an ghenoechde Des soe heb wy gekoeren seggeslude
voerscr. in vrunscappen uut gesecht Dat de convents lude hebben
sollen up den uterdijck vorscr. alsoe voele uterdijkes als hem
boren mach nae hoeren dijken toe rekenen de se maeken in Godlynser
dijken nae roden tale by Godlynser dijken toe rekenen Hyr sollen
dese parten vorscr. toe eweigen daegen wesen mede gescheiden Myt
vorwaerde wert sake dat de uuterdijke vorscr. iemant den abte
Convente ende kerspelsluden toe Godlynse vorgen. myt onrechte in toe
comenden tijden wolde ontweldigen ende byspannen dat sullen
de parten vorscr. malkanderen toe lijke helpen in den rechte bescer
men myt arbeyde ende myt koeste ofte terynghe ellick naae groetheit
syns sijkes Dese vorscr. uut sprake hebben de vorscr. parten eendracht
liken an genomen toe holden In een tuch der warheit soe hebben wy br/> her Eneko her Ffecko ende Luder seggeslude vorscr. unse segelen
an dessen breef ghehangen Ghegeven int iaer ons heren dusent
vierhundert twe en vyftich des dinxedages nae Paesche hilge
daghen.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	2
Fol. Nr.	fol. 28v
Regestnr.	294
Olim	Losse kloosterstukken, inv.nr. 1, reg. 13. Reg. Feith 1452.10.
Jahr	1452
Datumcode	MpPasche

x

x

Material	perkament