Burgemeesters en raad te Groningen verklaren dat Wijbrant Clant heeft verkocht aan Henrick Vrijen een jaarlijkse rente, groot zes postulaat guldens, gaande uit zijn helft van 33 grazen land aan de Olde ee, Jaensmaland genaamd, waarvan de andere helft het convent van Selwert toebehoort, welke rente binnen vier jaar kan worden afgekocht.

Wy Borgemestere unde Raed in Groningen Betugen mit dessen openen
breve dat vor ons is gecomen Wijbrant Clant unde becande vor em unde sijnen
erffgenamen Dat hie hevet vercofft opgedragen unde overgegeven Henrick Vrijen
unde sijnen erffgenamen Ses golden postulatus gulden erffliker renten vor datum
des breves gemuntet offte payment dat daer guet vor is iaerlix to boeren
als stad recht is uut sijnen helfte van dre unde dertich grase landes Iaensma
land gehieten gelegen in den Olden Ee Daer dat convent van Selwert die an-
der helfte unde wederscheit van to behoert vry unde quyt Vor ene summe geldes
die Wybrant vorscr. becande dat em vul unde al is betaelt Hijr is to gespro-
ken dat Wybrant vorscr. offte sijne erffgenamen desse vorscr. see postulatus gulden
rente mogen weder aff unde quyt copen binnen vier iaren naestcomende
mit hundert postulatus gulden vorscr. paiments unde mitter voller rente
sonder argelist Dat orconde wij mit onsen stad zegel gegeven in den iaer
ons heren dusent veerhondert veer unde soventich Des vrijdages nae den
soendage Invocavit Doe Gosen van Dulck, Johan Rengers van dem
Poste, Alert Clant unde SWeder Kater Borghemestere waren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 089r
Regestnr.	567
Olim	Arch. Klooster Selwerd, inv.nr. 1, reg. 280.
Jahr	1474
Datumcode	VpInvoca

x

x

x

Material	perkament