Burgemeesters en raad te Groningen verklaren dat Hille Wolters heeft verkocht aan Hinrick, abt, en de abdij te Selwerd de rente, vermeld in de transfix.

Wij borgemestere ende raed in Groningen betugen mit dessen openen
brieve dat vor ons is gecomen Hille Wolters. Ende becande vor oer ende oren erffgenamen,
dat sie hevet vercofft oppgedragen ende overgegeven den eersamen heren meister
Hinrick abd ende convente van Selwert tot behoeff oers convents vors., soeven
gulden een oert myn erfflike pacht ende renten, daer die brieff van spreket daer
desse brieff dorgetogen is, vrij ende quijt erffliken ende eeweliken in allen manee-
ren toe boren, toe bruken ende toe besitten als die selve brieff daer aff inholdet
ende uutwijset, vor een summe geldes die Hille vorsc. becande dat oer vull ende
all is betaelt. Sonder argelist. Dat orconde wij mit onser stad zegel. Gegeven
in den jaer ons heren dusent vierhondert ende ses ende soventich, opp sunte Bar-
barendach virginis, doe Goesen van Dulck, Johan Rengers Schaffers, Johan Tedema
ende Johan Conrades borgemestere weren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 065v
Regestnr.	605
Olim	Arch. Klooster Selwerd, inv.nr. 1, reg. 303.
Jahr	1476
Datumcode	Barbar

x

x

x

Material	perkament