Burgemeesters en raad te Groningen verklaren dat Herman Husing heeft verklaard dat Hinrick, abt, en de abdij van Selwerd een jaarlijkse rente van 42 gulden bezitten uit het huis met hofstede en de gang aan de oostzijde van de Herestraat te Groningen.

Wij borgemestere ende raed in Groningen betugen mit dessen openen breve
dat vor ons is gecomen Herman Husing ende bekande vor em ende sijnen erffgenamen
dat die eersame here meister Hinrick abd ende dat convente van Selwert
hebn ende beholden toe behoeff des convents vorsc. vor em ende oren nacomelingen
al daer twie ende veertich gulden erffliker rente tyn onser stad vliegers vor da-
tum desses breves gemuntet offt payment dat daer guet vor is vor elcken gulden
gerekent jaerlix toe voren als stad recht is in ende uuten huse mitter hoffstede
ende gange mit al sijn toebehoren dat Herman vors. van den convente vorg.
gecofft hefft gelegen an die oester zijde in Heerstrate daer Johan Huissin-
ge ergenamen huus naest bij licht an die zuderzijd ende Leffert van Anloen huus an
die noerdzijde vri ende quijt welke rente vorg. Herman vors. ende sijn erfgenamen
moegen vri ende quijt affcopen tot allen tiden wanneer em des genoeget
mit hondert gulden ses gulden rente vorsc. payments sonder argelist. Dat orkon-
de wij mit onser stad zegel. Gegeven in den jaer ons heren dusent veerhondert
soven ende soventich op sunte Michielsavent doe Goesen van Dulck, Johan
Thedema, Alert Clant ende Garmet Allema borgemestere weren onser stad.

Dese negen arnems gulden daer die brieff van spreeckt die elle den convente overgedragen
hefft sint van den twe ende veertich arnems gulden dar desse breve van spreken.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 053v
Regestnr.	620
Olim	Arch. Klooster Selwerd, inv.nr. 1, reg. 315.
Jahr	1477
Datumcode	vMichae

x

x

x

Material	perkament