Bernt van Schedelich, balijer van Westphalen, commandeur te Stenforde en meester van Oestfreislant, Ernst van Beveren, hofmeester, Hinricus Horneken, prior, Johannes van Geisteren, pietantiemeester, en de gemene broeders van de commanderij van Stenforde verklaren dat de commanderij te Oesterwerum hervormd zal worden volgens de regels en statuten van de commanderijen te Strasberch en Collene, waardoor Oesterwerum uitsluitend een mannenklooster zal worden, dat Arnde Zekelhorn, pastoor te Haren, tot commandeur van Oesterwerum benoemd zal worden, dat de conventualen van Oesterwerum een commandeur alleen na goedkeuring van de balijer te Stenforde mogen afzetten, dat de balijer te Stenforde de door de conventualen gedane commandeurskeuze moet bevestigen en dat Oesterwerum de gebruikelijke jaarlijkse afdracht aan Stenforde moet betalen.

Wij Broder Bernt van Schedelich Balyer
up Westphalen Commendur des huses to Stenforde Meister in Oestfreislant Ernst van Beveren Schaffener Hinricus Horneken
prior Johannes van Geisteren pietanaen Meister unde gemeyne brodere Conventz des huses to Stenforde vorg. ordens sunte
Johans Baptisten bekennen unde betugen in dessen apenen besegelden breve vor uns unde unse nakomenen des huses van Stenforde
dat wij to der eer gotz unde des hilligen ordens sunte Johans Baptisten geghunt unde belevet hebben gunnen unde beleven in dessen breve
dat men unse hues Oesterwerum belegen in Vreislant in Gronynger gebeide under demen kreseme des stychtz van Munster
sal Reformeren na regulen unde statuten des ordens tho leven ghelijk datum desses breves de huse unser orden to Strasberch
unde to Collenen levende synt So dat men de juncfrouwen unde vrouwen personen de Orden de daer nu ter tijt profess synt sall schilcken in
en ander hues unser orden unde sal vort an syn eyn hues van mans personen des Orden unde willen dat vorsc. hues up desse Reformacien an tho
nemende bevelen den Erberen heren Arnde Zekelhorn pastor to Haren de dar unsen habijdt unde orden up entfangen sall dat vorscr. na syner
macht in reformatien tho brengen unde to holden unde oft iummendes van den orden des vorscr. hus to Oesterwerum dar rebell unde
wederstrevych inne weer de reformactien to hynderne dat de vorscr. Arnt als eyn Commendur mochte na ordens rechte den Cornni-
geren unde straffen ok myt den kerkener de wertlike hant dar to tho hulpe nemen oft des noet wer Vort so wille wij unsen
alyngen vlijdt dar to doen dat her Arndt vorsc. dar twe tho kryge uthe den Reformerden huess mercklike van Collene
de em dat vorsc. hues Oesterwerum unde de brodere helpen institueren na der Regulen unde confirmacien tho leveren unde willen unde
sollen na unser macht de Reformacien stercken unde holden vor uns in dem sulven hues unde vor unse nakomelynge to ewygen
tijden Vort so wille wij Commenduer unde Convent des huses Stenforde dat men heren Arnde vorg. noch ander Commendur na em
komende van der Commendurschap nycht aff setten sollede van uns bestediget sijn sunder mercklike excess unde vordenst
welker men uith dragen unde verklaren sall vor uns unde unsen Convente to Stenforde er men se aff setten ende eynen anderen
keysen sall unde wanner en de Commendur des huses Oesterwerum vorstorven ys offt anders myt rechte aff ghesat ys So en
solle wij en gynen Commendur setten so veer se nicht vorsumelick synt in eren koer dan wen se keysen na ordens rechte
solle wij en confirmeren Ok so solle wij Commenduer des huses to Stenforde dat hues van Oesterwerum overmytz nummende
visiteren laten offte iurisdictien dar over bevelen dan overmytz Conventualen unses huses van Stenforde unde oft dan de Commendur
unde Convent van Oesterwerum menden se overmyddels der visitacien beswart worden boven offte tegen reformatien so moch-
ten se up dat pass oft so vake se bswert menden the wesenen twe keysen uith eynen reformerden huse unser orden dar
wij dan Consent unde vulbart to geven sollen unde geven sunder ienyge vorder exactien dan unsen scriver for dat consent
to scriven unde tho besegelen eyn halff verdell wyns Vort so wille wy dat vorg. hues Oesterwerum beholden unde laten bij
ghewontlichen Responss unde Capittels kost ende vorder nycht belasten dan dat hent to dessen tijt ghewest ys Ten weer
sake dat wij van noet oft last de uns an komen mochte myt den ghemeynen Convente unde husen van Vreislandt anders
eyndrachtlichen over quemen dar inne de van Oesterwerum sik solden dan gheborliken hebben gelijk den anderen unsen
husen

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	215
Regestnr.	653
Olim	Arch. Klooster Oosterwierum, inv.nr. 1, reg. 18.
Jahr	1480
Abweichung	5

x

x

x

Material	perkament