Johan Schaffers, ambtman van het gericht van Selwert, oorkondt dat Heyle, weduwe van Johan Rengghers, en haar dochter Abele Hughynghe hebben geschonken en bij stoklegging overgedragen aan het convent van Essen het land, vermeld in de hierbij getransfigeerde akte (kla0538), namelijk de Ossenvenne, de Bevemaeth en nog enig ander land, waardoor het convent Abele zal opnemen in het klooster.

Ick Johan Schaffers amptman inder tijt des gherichtes van Selwert bekenne ende tughe myt dessen openen breve
dat voer my is ghekomen Heyle salighe Johan Rengghers weduwe ende bekande voer hoer ende voer hoere erffgenamen
ende voer salighe Johan Rengghers erffgenamen dat sie hebben ghegeven, droeghen up ende ghaven over al aver
neghen jaeren voer datum desses breves den cloester van Essen myt Abelen Hughynghe, Heylen vorgenoemde dochter,
sodane land, daer die breeff van spreket, daer desse breef doer ghetoghen is in allen formen ende maneren alse die
selve breef daer van inholdet ende uutwiset ende alse dat selve land dat convent aff ghegraven hebben ende
mijtten drien roede landes breet gheleghen buthen dijkes anthemeten van den wester sloet daer die dijck uut-
gheschoten is. Ende desse dree roede landes breet sullen strecken vander Bytze in dat sueden als vere alse die
Ossen venne ende Bevemaeth ghaet, vrij ende quyd to brukenn ende to besitten uutghesecht die renthe die daer up
stunt. Des sal dat convent vorgenoemd Abelen besorghen myt allent dat hoer noet is. Ende off Abele vorgenoemd storve
eer sie professie ghedaen hadde, nochtant solde dat convent dat land beholden to ewighen daghen voer een
ewich testament to bidden voer salighe Johan Rengghers ende syner vriende sielen ende voer Heylen Renggers
ende hoere vriende selen. Van dessen vorgenoemde lande hevet Heyle vorgenoemd den stock ghelecht den convente vorgenoemd
voer dessen bueren na bescreven alse Johan Ludekens, Jacob sijn broder, Johan sijn sone, Henric Boelens, Egbert
Kremer, Hermen Drent, Johan Drent, Johan Ghaltekens ende Wessel Dirixsone. In orkunde soe hebbe ick
Johan Schaffer amptman vorgenoemd myn seghel beneden an dessen breef ghehanghen. Ghegeven inden
jaer ons heren dusent vierhundert drie ende tachtentich up sunte Marien Magdalenen avent.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	136
Regestnr.	707
Olim	Arch. Klooster Essen, inv.nr. 4, reg. 89. Reg. Feith 1483.31.
Jahr	1483
Datumcode	vMarMag

x

x

x

Material	perkament

x