Rodolphus, pastoor te Broeck, oorkondt dat Johan ter Horne heeft verkocht en bij stoklegging overgedragen aan Andreas Ghisens vier akkers land met toebehoren in het kerspel Broeck, begrensd ten oosten door de Borch en in het westen door de Broecksterwech.

Ick Rodolphus cureet toe Broeck bekenne ende doe kondt myt desen openen
breve dat voer my is ghecomen Johan ter Horne ende bekande voer em ende synen
erffgenamen dat hie hevet vercoft opghedragen ende overghegeven Andreas Ghisens
ende syhen erffgenamen vler ackeren landes myt der lane ende mytten holte ende oren toe-
behoren Soe als hie dat nu ter tyt liggende heft in den karspel toe Broeck daer
Derck Engelberts naest by ghelandet is an die zuuderzyd ende die voegheden
toe Broeck an die norderzyd streckende oestewert an die borch ende westwert
an Broeckster wech vry ende quyt erfliken ende eweliken toe bruken ende toe be-
sitten voer een somme geldes die Johan vorscr. becande dat em vol ende al is betaelt
des soe sall ende mach Derck Ehgelberts vorscr. die lane mede bruken over toe
voeren sijns selves holt ende anders gheen holt daer over laten toe varen
Hyr hevet Johan voergen, den stock van ghelecht Andreas voerghenoemt
voer die buren van Broke alze landrecht is in den gherichte van Zelwert als voer Eltike
Lamberdes, Yemme Lamberdes, Poepke Ebelens, Iohan Mennes, Poopke Wyers, Galteke
Rolef Enenszoen ende Berent Jullekens sonder argelist. In orkonde der waerheyt
heb ick Rodolphus Cureet vorgen. om bede wille Johan ter Horne myn zeghel an
dessen brieff ghehangen. Ghegeven int iaer ons heren duusent vierhondert soeven ende
tachtentich op sunte Agnieten avent.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 004v
Regestnr.	755
Olim	Arch. Klooster Selwerd, inv.nr. 1, reg. 369.
Jahr	1487
Datumcode	vAgneti

x

x

x

Material	perkament