Tyado, pastoor en commissarius te Loppersum, verklaart dat meester Meyncko, pastoor in de Ripe, en Johan van Loppersum, executeurstestamentair van wijlen Beernt, pastoor te Spijck, hebben verklaard dat Beernt heeft nagelaten aan Ghisbertus Wesop, prior van het Sunte Helenencloster te Schermer, het bos te Schermer, vermeld in de getransfigeerde akten, waarvoor het convent memoriediensten voor het zieleheil van Beernt zal houden.

Ick Tyado, pastoer ende commissarius van Loppersum, bekenne unde belijde myt dussen openen besegelde breve dat voer mij synt ghe-
komen dye ersamen heren heer meister Meyncko, pastoer yn de Ripe, olde heer Johan van Loppersum, testamentoren des saligen here
heer Beernt, pastoer tho Spijck, ende bekanden voer mij dat heer Beernt voersc. heeft ghegheven yn sijn testament den werdighen
ende religiosen here heer Ghisberto Wesep, priori des cloesters van Schermer anders Sunte Helenen closter ghenompt, ordens des
Hiligen Cruys, myt sijnen conventualen ende naekomelyngen soedanen holt myt den gront als dat gheleghen is yn dat kaers-
pel van Schermer, daer dy twe brieven van spreken daer dussen transfixbreve doerghetoghen ys, ewelike ende erfg. oren
wrijen wyllen daermede tho doen, waervoer dat vorsc. convent sal trouwelike bydden voer salicheyt sijnre zilen; Voert voer
alle deghene daer hye dat voer begherde. Dat dyt aldus beliden ys voer mij sijn over unde bij ghewest als tughesluden Ja-
cob Wantscherrer ende Johan Schomaker, wonachtich to Loppersum. Ende omme merer vestenysche der waerheyt so hebben wij voersc.
exequutoren ghebeden den ersamen ende weerdighen here meister Tyado vorsc. dussen brieve wolde bezegelen. Weelck ick Tyado,
pastoer, omme bede wylle dusser voerbenoemptde heren gherne ghedan hebbe, ende mijn segell beneden aen dussen brieff ghehanghen.
In 't jaer uns Heren dussent vijffhundert unde tweendetwyntich, up Sunte Johans Baptisten avent et cetera.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	274
Regestnr.	1000
Olim	Arch. Klooster Wijtwerd, inv.nr. 16, reg. 121.
Jahr	1522
Datumcode	vNatJoh

x

x

x

Kommentar	Met het zegel van meester Tyado

x

Material	perkament