Burgemeesters en raad te Groningen verklaren dat Enno te Zolwert heeft verkocht aan abt Requinus en het convent van Oldencloester bij den Damme zijn heerd, geheten Maerhuus en gelegen in het kerspel Godlynse tussen het voorwerk en Sybeldeweer, bezwaard met een jaarlijkse rente, groot vijftig arnhemse guldens, te betalen aan het convent van Grijsemonnyken of Termunten, en een jaarlijkse rente, groot vijftig arnhemse guldens, te betalen aan Enno zelf, waarvoor de abt en conventualen een tweede dochter van Enno als non zullen opnemen en een jaarlijkse memoriedienst voor Enno zullen houden.

Wij borgermesters ende raedt van Groningen betughen myt dessen openen
breve dat voer ons is ghecomen Enno toe Zolwert ende bekande voer hem
ende syne eerffghenamen dat he um sunderlinghe saken ende daer toe bewegende
hijr nae beschreven mijt vrijen willen ende gueden voerberaden moede
heft vercoeft op ghedraeghen ende over ghegeven ewelick ende eerfflick den
weerdigen religiosen heren Requino vander ghenaden Godes abt ten Olden
cloester by den Damme anders Ffeldwert ghenoempt ende den ghemenen
conventualen des voerscreven convents ende oeren naecoemelingen toe nutte ende
behoeff des voerscreven convents enen heert landes gheheten Maerhuus
ghelegen onden karspel van Godliojnse tusschen dat voerwaerck ende
Sijbeldeweer soe groet ende cleyn als de nu ghelegen is ende de meyer
daer op wonende nu van Ennen voerscreven bruket mitter heerlicheit ende
rechtinge daer op vallende ende allen eghendoem ende toe behoeren
vrij ende quijt eerfliken ende eweliken toe bruken ende toe besijtten ende vrij
eerfliken voer alle ansprake toe waren voer ene summe geldes
de Enno voerscreven bekande hem vul ende al is betaelt beholden uut
den voerscreven heert landes den convente van grijsen monnyken ofte anders
ter Munte ghenoempt vijftich arenss gulden renten nae vermelden oers
rentebreves daer dat voerscreven convent van Olden Cloester sal voer
staen ende ennen ende synen eerffgenamen verscreven vrij ende scaedeloes van holden
toe allen tijden. Beholden oeck Ennen vorscreven uut den voerscreven heert
vijftich arnsen gulden renten tijn onser stadt stuver voer datum sbreves
gemuntet oft payment dat daer guet voer is voer elcken gulden
gerekent iaerlix toe twen tyden toe betaelen toe weten de ene
helfte toe Sunte Johannes mydtsommer de ander helfte Sunte Johannes
toe mydtwynter welker rente de abt voerghescreven ofte convent altoes
moeghen op twe tyden voerscreven mit vijfhundert arnsen gulden voerscreven
payments vyfendtwintich of lossen mit syn vulle rente ofte scaeloes
geelt mit botbreven oft anders mit wat rechte hem best belevet
in toe manen uut den voerscreven heert. Kunde oeck Enno ofte syn erffgenamen
dese vorscreven rente uut den voerscreven heert nijet bekomen soe moeghen se de manen
uut des convents ander gueder oeck waer de ghelegen synt vrij ende
quyt ende vrij daer uut toe waren welke rente dat vorscreven convent
bynnen tijn iaeren mach nyet weder lossen ten sy myt Ennens
ende syns eerffgenamen wille dan alle tijt nae de voerscreven tijn jaeren alse
myt vyfhundert arnsen gulden vorscreven payments ende mytter vulre
renten. Hijr is mede toe ghesproken dat de vorscreven abt ende
conventualen soe als se enen van Ennen dochters int convent hebben
sollen se noch ene van syn dochters daer toe nemen ende hebben
welke twe saollen oer levent lanck aalse professide sanck susters
int convent bliven Gode toe denen. Ende sollen daer men besorghet
ten levende ende nae der doot gelick ander professide kinder. Ende
dat ghene dat de vorscreven heert beter is dan de ghekofft is sall
staen voer dese vorgenoemde twier kinder part eerffnissen dat hem
van hoeren voerscreven vader ende moder an comen mochte ende sollen
voert meer gans hijr mede daer afghesceyden wesen ten weer
sake dat Enno voerscreven ghene ander kinder ende wytlike arffgenamen
van hem voert gaende uutghecomen nae lete soe sal dat dan
gaen nae lantrechte. Oeck sal dat convent iaerlix holden ene
ewighe memorie des dinxdages nae Agnetis virginis in vigilijen
ende missen voer Ennen vorscreven ende daer he sculdich is voer toe
bidden ende toe bidden laeten. Sunder argelist. Dat oerkunde
wy mit onsen stadts segel Ghegeven inden iaere onses heren
dusent vijffhundert ende dre ende twijntich dages Remigii doe
Peter Sickinge, Lluoloff Conraedes, Reint Duers, Lubbert Clant
borgermesters weren onser stadt.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	2
Fol. Nr.	fol. 52r
Regestnr.	1008
Olim	Losse kloosterstukken, inv.nr. 1, reg. 101. Reg. Feith 1523.15.
Jahr	1523
Datumcode	Remigi

x

x

x

Material	perkament