Gheert Jansen verklaart een wisseling te hebben aangegeven met Gerhardus Hasselt, prior en conventualen van ter Apel waarbij het convent van hem krijgt twee akker land, gelegen op de Huppel in 't karspel van Geruewert en waarvoor hij van 't convent in een wederwissel ontvangst drie akker land, de haverakkers geheeten, ook gelegen in 't kerspel van Gernewert, waarvan de meijer de sloot op de oostzijde ‘yn eeren holden sal’.

Ick Gheert Jansen bekenne ende betuge myt dussen tegenwoerdygen breeff voer my ende mynen eerffgenamen woe dat yck
hebbe ghemaket eenen stevyghen vasten eewygen eerffwessel myt den religiosen heren als Gerhardus Hasselt prior ende
Geehardus van den Bussche supprior ende Gerhardus Noerthoren senior conventualen
des conventes ter Apel umme ytlij
ke landen hyr nae beschreven staen Int eerste soe drage yck Geert verscreven den
convente verscreven uup ende geve over ewelyck
ende eerfflyck twe acker landes gelegen uup dee Huppel yn den keerspel van Gernewert
daer dat conventes landen verscreven
runt umme ter swette lyggen uth genommen dee wester eende daer Hoyt Alderynge met
syn kynderen geswettet synt
noch bet eenen dwers acker daer dat convent verscreven runt umme heer geswettet ys
welkeer landen verscreven Jacob Claysens toe
Beswert nu ter tyt huer wyse brakende ys van des conventes wegen soe cleyn ende groet
als de gelegent synt welkeer
landen verscreven yck Geert verscreven love den convente offte conventualen verscreven
vry ende vierdych toe leveren toe waeren van dyken
ende dammen ende alle swaricheiden unde ansprake woe dee ya gescheen muchten sunder
argelyst Voer welkeer landen
geven wy conventualen verscreven Geert Jansen verscreven wedder umme yn eenen ewygen ende eerfflyken wedder wessel dre acker
landes de Haver ackers geheten ook gelegen yn den keerspel toe Gernewert uupt dorp
an der suder syt dat voetpat
ook soe cleyn ende groet als dee daer gelegen synt ende Geert Jansen verscreven nu
solven ynt gebruck hevet ende over gelevert
synt daer wy conventualen verscreven an de oester eende ende noerder zyt Ende Geert
Jansen verscreven solven an der suder zyt ende
wester ende naest an geswettet ys welkeer landen wy conventualen verscreven loven
Geerde verscreven unde synen eerffgenamen ock vry
ende vierdych van dyken ende dammen lasten ende swaricheiden toe leveren ende toe
waren voer alle ansprake ock
sunder argelist Noch ysset uns conventualen medde belevet dat unse conventes meyer
den sloet dee tendes an der oster
eende der dryer Haver ackers dee wy Geerde verscreven verwesselt hebben stedes yn
eeren holden sal buten Geerdes offte syn
eerffgenamen toe doen hynder offte schade allent sunder argelist offte nye vunden dee
dussen breeff moegen bekrenken In oer
kunde der waerheit soe hebbe yck Geert Jansen verscreven gebeden dem Ersamen heren her Hinrick Coepes van Nyenhues pastor
toe Esynge dussen breeff over my toe besegelen welkeer yck Hinricus verscreven geerne hebbe gedaen umme Geerdes verscreven bed
de wyllen unde hebbe myn gewontlyke zegel beneden an dussen breeff gehangen daer yck
toe te tuge genommen heb
be als tugen myns zegel als Johan Hermens ende Ehgelbert Schroer yn wonners des kerspels van Esynge Ghescreven
ynt yaer uns heren dusent vyffhundert ende twe ende vyfftich uup daghe Mathie apostoli.
DORSO : De II agris ......tis a
Gerryt Jansen to Gernewert.

x

x

Archiv	Groninger Archieven
Bestand	Klooster Ter Apel
Zugangsnummer	1373
Inventarnr.	041*
Regestnr.	247
Register Feith	1552.004
Jahr	1552
Datumcode	Matthi

x

x

x

x

Kommentar	Met het zegel van Hinrick Coepes, pastor te Esynge, in groene was

x

Kommentar	N.B. Vermeld Feith Reg. 1552 no. 4.