| Nummer:oar034 | Datum:22 sept. 1387 | Überlieferung:Afschrift | Fundstelle:Omm. arch., inv.nr. 0235, reg. 034 |
Wij her Rippert abbet ende ghemene uldermans des conventes
van Adewart Burgermestere ende raet der stadt van Groninghen
bekennen ende betugen in desen openen breve dat wij enen
vrede hebben begrepen stede ende vast malc mit anderen
to holden als van der scelinge de wij onder tuschen hebben
-duirende- tuschen hijr ende sunte Wolburge dach in den meije naestkomende ende den dach al. Int ijrste so loven wij abbet
ende ghemene oldermans vorscreven vor ons, vor onse conventes
lude, vor onse vorwarkes luede, vor onse broet eters, vor
alle de ghene de in unse husinghen wonachtich sint ende
vor al onse landtzaten desen vorscreven vrede stede ende vast
to holden mit der stadt van Groningen vorscreven. Ende wij
borgermesteren ende raet vorscreven loven vor ons ende vor alle
de ghene de in unsen stad wonachtich sijn desen vorscreven
vrede stede ende vast to holden mit den convente van
Adewart vorscreven ende mit alle den ghenen de vorscreven sint
sunder jenegherhande argelijst. Ende hijr en bijnnen
mijnlikke daghe to holden wanneer uns dat beijde lijke
komet. Ende dese vorscreven scelinge to scheijden bij den
vieren de wij an beijden zijden daer to ghenomen hebben.
Ende konnent de vier niet gescheijden, so nemen dese
vier vier redelijke zoenlude tot hem gheestelich of
werlich ende moghent de achte niet scheijden, so kiesen
sie enen gelijken overman op dat de vorscreven scelinge
ummer gescheiden worde ende met weliken vieren die
vorscreven overman (to) an valt daer sal de vorscreven sake mede
gescheiden wesen sunder enegher hande wederseggen.
Ende waer enich persoen van beijden sijden de desen
vorscreven vrede brake, dat salmen berechten sunder (vert)
vertrech ende nochtan so sal dese vorscreven vrede stede ende
-vast- staen als vorscreven is. Voert so love wij abbet ende ghe-
mene oldermans vorscreven vrede stede ende vast
to holden mit Hillinge pertije in Langewolt, in Vredewolt,
in Hummerker land ende in Mydogher land in allen gevoghe
ende in allen maneren als vorscreven is tuschen uns ende de stad
van Groningen. Ende wij ghemene Hillinge pertije
vorscreven loven dese vorscreven vrede stede ende vast to holden
vor uns ende vor unse broet eters mit den ghemenen
convente van Adewart vorscreven ende mit al den ghenen die
in desen vorscreven vrede benomet sijn in desen breve.
In oirkunde so hebben wij abbet ende oldermans vorscreven
onses conventes segel ende wij Borgermestere ende raet vorscreven
onses stades zeghel vor ons selven ende oech omme bede
willen Hillinghe pertije vorscreven an desen breef ghe hanghen
daer ons Hillinghe pertije vorscreven an genoghet. Ghegeven int
iaer ons heren dusent drehondert soven ende tachtich
up sente Mauricius dach.
AANTEKENINGEN: Auscultiert tegens syn originale franchijnen
brieffe hebbende noch der Groninger segell doch
gebroken, anhangende is darmit befunden ac-
cordierende by my undergescreven.
Petrus Cornelius notarius scripsit.
OVERLEVERING: afschrift, papier.
AUTHENTICERING: oorspr zegels.
afschrift door notaris Petrus Cornelius.
VINDPLAATS: RAGr, OMMELANDEN 235 R 34.
UITGAVE: OGD 775.
??
van Adewart Burgermestere ende raet der stadt van Groninghen
bekennen ende betugen in desen openen breve dat wij enen
vrede hebben begrepen stede ende vast malc mit anderen
to holden als van der scelinge de wij onder tuschen hebben
-duirende- tuschen hijr ende sunte Wolburge dach in den meije naestkomende ende den dach al. Int ijrste so loven wij abbet
ende ghemene oldermans vorscreven vor ons, vor onse conventes
lude, vor onse vorwarkes luede, vor onse broet eters, vor
alle de ghene de in unse husinghen wonachtich sint ende
vor al onse landtzaten desen vorscreven vrede stede ende vast
to holden mit der stadt van Groningen vorscreven. Ende wij
borgermesteren ende raet vorscreven loven vor ons ende vor alle
de ghene de in unsen stad wonachtich sijn desen vorscreven
vrede stede ende vast to holden mit den convente van
Adewart vorscreven ende mit alle den ghenen de vorscreven sint
sunder jenegherhande argelijst. Ende hijr en bijnnen
mijnlikke daghe to holden wanneer uns dat beijde lijke
komet. Ende dese vorscreven scelinge to scheijden bij den
vieren de wij an beijden zijden daer to ghenomen hebben.
Ende konnent de vier niet gescheijden, so nemen dese
vier vier redelijke zoenlude tot hem gheestelich of
werlich ende moghent de achte niet scheijden, so kiesen
sie enen gelijken overman op dat de vorscreven scelinge
ummer gescheiden worde ende met weliken vieren die
vorscreven overman (to) an valt daer sal de vorscreven sake mede
gescheiden wesen sunder enegher hande wederseggen.
Ende waer enich persoen van beijden sijden de desen
vorscreven vrede brake, dat salmen berechten sunder (vert)
vertrech ende nochtan so sal dese vorscreven vrede stede ende
-vast- staen als vorscreven is. Voert so love wij abbet ende ghe-
mene oldermans vorscreven vrede stede ende vast
to holden mit Hillinge pertije in Langewolt, in Vredewolt,
in Hummerker land ende in Mydogher land in allen gevoghe
ende in allen maneren als vorscreven is tuschen uns ende de stad
van Groningen. Ende wij ghemene Hillinge pertije
vorscreven loven dese vorscreven vrede stede ende vast to holden
vor uns ende vor unse broet eters mit den ghemenen
convente van Adewart vorscreven ende mit al den ghenen die
in desen vorscreven vrede benomet sijn in desen breve.
In oirkunde so hebben wij abbet ende oldermans vorscreven
onses conventes segel ende wij Borgermestere ende raet vorscreven
onses stades zeghel vor ons selven ende oech omme bede
willen Hillinghe pertije vorscreven an desen breef ghe hanghen
daer ons Hillinghe pertije vorscreven an genoghet. Ghegeven int
iaer ons heren dusent drehondert soven ende tachtich
up sente Mauricius dach.
AANTEKENINGEN: Auscultiert tegens syn originale franchijnen
brieffe hebbende noch der Groninger segell doch
gebroken, anhangende is darmit befunden ac-
cordierende by my undergescreven.
Petrus Cornelius notarius scripsit.
OVERLEVERING: afschrift, papier.
AUTHENTICERING: oorspr zegels.
afschrift door notaris Petrus Cornelius.
VINDPLAATS: RAGr, OMMELANDEN 235 R 34.
UITGAVE: OGD 775.
??
x
| Archiv | Groninger Archieven |
|---|---|
| Bestand | Omm. arch. |
| Zugangsnummer | 2 |
| Inventarnr. | 0235 |
| Regestnr. | 034 |
| Register Feith | 1387.001 |
| Jahr | 1387 |
| Datumcode | Maurit |