| Nummer:ogd0282 | Datum:ca. sept. 1324 | Überlieferung:Editie | Fundstelle:Oorkondenboek Groningen en Drenthe, nr. 282 |
Johan, bisschop van Utrecht, belooft enige Drentse edelen bij te staan tegen de Drenten.
Wy Johan , bi der ghenaden Goeds bisscop tUtrecht , maken cont alle denghenen , die desen brief zien zellen jof horen lesen , dat wi ghelovet
hebben ende gheloven mit goeder trowen , dat wi Henric van Orch , ridder, Arnd, Rolof ende Henric siin kinder, Henric van Elde , Herman van der
Polle , Rolof van Langhel , Menscen van Echte , Gerid Clencken , Jan sinen broder, Otten van Orch, Volkier veren Ermgerden soen , Rutger sinen
broder, Conraerd van den Chore , Jan sinen broder ende Ecbrecht van Echt , knapen , hure maghe , hure vriende ende hur medehulpers , te helpen
ende te raden ende bi te staen tieghens de Drenthen na onser macht, hur recht tieghen de Drenthen te vervolghen ende hure onrecht te verweren
ende in onzen lande ende ute onzen lande te riden ende te comen , alst hem ghevoghet. Ende wert tsake , dat hem ons lands ende stede ghebrake ,
so woudwise bi ons selves live op ons huse ende slote onthouden ende enghen zoen buten dese lude ende buten huren rade mitten Drenthen te maken
noch an te ghaen. Ende woudse oec yemant veronrechten , want si voer ons comen willen , so wilwise, bescermen ende houden voer alle deghene ,
die se veronrechten wilden. Ende want si ons ende onsen nacomelinghen desghelikes ghelovet hebben , die in den tyde bisscop tUtrecht is , so
wilwi , dat si ons nacomelinghen , die bisscop tUtrecht siin , houden sulc voerwaerde alsi ons hebben ghelovet , also verre als ons nacomelinghe
houden hem dese ghelovede , die wi hem ghelovet hebben. Voert eest voerwerde : So wat dese voerseide lude winnen bi onser baniren, bi onsen
scout ocht richter, dat sel wi gheli(ken mit) him deilen ; ende wat si buten onsen scoud ons banire ende ons knapen winnen op die van Drenthen ,
dat zelen si selve deilen onder hem. In orconde des brieves mit onsen groten zeghel bezeghelt. Ende bidden eersamme lude heren Gyselbert , here
van IJselsteyne , heren Thomaes van Dijst ende Alfer van der Scuren , dat si desen brief mit ons in orconde bezeghelen. Ende . . .
hebben ende gheloven mit goeder trowen , dat wi Henric van Orch , ridder, Arnd, Rolof ende Henric siin kinder, Henric van Elde , Herman van der
Polle , Rolof van Langhel , Menscen van Echte , Gerid Clencken , Jan sinen broder, Otten van Orch, Volkier veren Ermgerden soen , Rutger sinen
broder, Conraerd van den Chore , Jan sinen broder ende Ecbrecht van Echt , knapen , hure maghe , hure vriende ende hur medehulpers , te helpen
ende te raden ende bi te staen tieghens de Drenthen na onser macht, hur recht tieghen de Drenthen te vervolghen ende hure onrecht te verweren
ende in onzen lande ende ute onzen lande te riden ende te comen , alst hem ghevoghet. Ende wert tsake , dat hem ons lands ende stede ghebrake ,
so woudwise bi ons selves live op ons huse ende slote onthouden ende enghen zoen buten dese lude ende buten huren rade mitten Drenthen te maken
noch an te ghaen. Ende woudse oec yemant veronrechten , want si voer ons comen willen , so wilwise, bescermen ende houden voer alle deghene ,
die se veronrechten wilden. Ende want si ons ende onsen nacomelinghen desghelikes ghelovet hebben , die in den tyde bisscop tUtrecht is , so
wilwi , dat si ons nacomelinghen , die bisscop tUtrecht siin , houden sulc voerwaerde alsi ons hebben ghelovet , also verre als ons nacomelinghe
houden hem dese ghelovede , die wi hem ghelovet hebben. Voert eest voerwerde : So wat dese voerseide lude winnen bi onser baniren, bi onsen
scout ocht richter, dat sel wi gheli(ken mit) him deilen ; ende wat si buten onsen scoud ons banire ende ons knapen winnen op die van Drenthen ,
dat zelen si selve deilen onder hem. In orconde des brieves mit onsen groten zeghel bezeghelt. Ende bidden eersamme lude heren Gyselbert , here
van IJselsteyne , heren Thomaes van Dijst ende Alfer van der Scuren , dat si desen brief mit ons in orconde bezeghelen. Ende . . .
