| Nummer:ogd0283 | Datum:7 sept. 1324 | Überlieferung:Editie | Fundstelle:Oorkondenboek Groningen en Drenthe, nr. 283 |
Enige Drentse edelen beloven Jan, bisschop van Utrecht, bij te staan tegen de Drenten wegens het geweld hun door het land van Drenthe aangedaan.
Wi Henric van Orch ridder , Arnd , Henric ende Rolof, kinder des voernoemds heren Henrix
van Orch, Rolof van Langhel, Mensche van Echte, Gherijd Clencke, Jan siin broder, Otte
van Orch, Volker veren Emgarden soene ende Rutgheer siin broder, Conraerd van den Ghoere, Jan siin broder, ende Ecbrecht van Echten, knapen,
maken cont alle den ghenen, die desen brief zien zelen jof horen lesen, dat wi om zulke cracht ende ghewelt, alst land van Drenthen ons andoet
ende heeft ghedaen, ons ende onse huse ende ons goet mit cracht ende mit ghewelt te houwen, so hebwi ghesekert ende ghelovet mit goeden trouwen
ende mit ghesvoren eden voer ons ende voer alle ons vriende ende ons maghe, also ver als wi der machtich siin ocht namaels weerden moghen, an
ons heren hand, heren Jans van Dijst, bisscop van Utrecht, dat wi here Jan voernoemt, bisscop van Utrecht, onsen here, ende sinen nacomelinghen,
die bisscop tUtrecht wesen sal na heme, gheraden ende helpen zelen mit al onser macht, die wi hebben ende vercrighen moghen, te winnen ende te
behouden tland van Drenthen ende alsulc goet, alst ghesticht van Utrecht mitten recht hadde van ouds in de lande van Drenthen, ende dat wi dies
niet laten en zelen doer gheenrehande anxt ocht orbaer ocht vrienscape, die ons hiiraf comen mochte, wi ne zelen heme of die bisscop tUtrecht is
ende den ghestichte van Utrecht trulic dienen, bistaen ende nummermeer te zonen mitten Drenthen buten den bisscop van Utrecht, onsen here Ende
weert tsake, dat wi enech goet op die Drenthen ghewonnen, weert bi vanghenesse ocht bi pandenghe ocht in ander maniren, woe dat were, also verre
als ons here voernoemt siin banire ocht sine scout ocht sine knapen onder ons hadde, so soudewi heme dat goet mededeyle ter heelft toe. Ende en
weer dies niet, so wat wi wonnen, dat soude ons selves siin ende dat soudewi onder ons deylen. Ende omdat wi Henric, Arnd ende Rolof, kinderen
heren Henrix van Orch, ridder, Rolof van Langhe, Mensche van Echte, Volkeer veren Ermgharden zoen, Rutgher ziin broder, Jan Conrards broder,
ende Jan, Gherijds Clenken broder voerscreven, gheene eyghen zeghel en hebben, so hebbe wi ghebeden eersammen luden ende besceyden heren Henric
van Orch ridder, Gheride Clenken, Conraerde van den Ghore, Otten van Orch ende Echbrecht van Echten, knapen, dat si desen brief willen
bezeghelen, want wi huren zeghelen gebruken in desen brieve. Ende wi Henric van Orch, ridder, Gherijd Clencke, Conraert van den Ghore, Otte van
Orch ende Ecbrecht van Echten, om bede wille deser voerseyde knapen, onser maghe, so hebbe wi desen tieghenwoerdeghen brief voer ons ende voer
onse maghe voernoemt bezeghelt mit onsen eyghenen zeghelen in orconde alle dier stucken, die hiir voerscreven ziin. Ghegheven int jaer ons
Heren, alse me scrivet dusent driehondert ende vier ende tvintech, op vigilie Onser Vrouwen, die me heyt Nativitas.
van Orch, Rolof van Langhel, Mensche van Echte, Gherijd Clencke, Jan siin broder, Otte
van Orch, Volker veren Emgarden soene ende Rutgheer siin broder, Conraerd van den Ghoere, Jan siin broder, ende Ecbrecht van Echten, knapen,
maken cont alle den ghenen, die desen brief zien zelen jof horen lesen, dat wi om zulke cracht ende ghewelt, alst land van Drenthen ons andoet
ende heeft ghedaen, ons ende onse huse ende ons goet mit cracht ende mit ghewelt te houwen, so hebwi ghesekert ende ghelovet mit goeden trouwen
ende mit ghesvoren eden voer ons ende voer alle ons vriende ende ons maghe, also ver als wi der machtich siin ocht namaels weerden moghen, an
ons heren hand, heren Jans van Dijst, bisscop van Utrecht, dat wi here Jan voernoemt, bisscop van Utrecht, onsen here, ende sinen nacomelinghen,
die bisscop tUtrecht wesen sal na heme, gheraden ende helpen zelen mit al onser macht, die wi hebben ende vercrighen moghen, te winnen ende te
behouden tland van Drenthen ende alsulc goet, alst ghesticht van Utrecht mitten recht hadde van ouds in de lande van Drenthen, ende dat wi dies
niet laten en zelen doer gheenrehande anxt ocht orbaer ocht vrienscape, die ons hiiraf comen mochte, wi ne zelen heme of die bisscop tUtrecht is
ende den ghestichte van Utrecht trulic dienen, bistaen ende nummermeer te zonen mitten Drenthen buten den bisscop van Utrecht, onsen here Ende
weert tsake, dat wi enech goet op die Drenthen ghewonnen, weert bi vanghenesse ocht bi pandenghe ocht in ander maniren, woe dat were, also verre
als ons here voernoemt siin banire ocht sine scout ocht sine knapen onder ons hadde, so soudewi heme dat goet mededeyle ter heelft toe. Ende en
weer dies niet, so wat wi wonnen, dat soude ons selves siin ende dat soudewi onder ons deylen. Ende omdat wi Henric, Arnd ende Rolof, kinderen
heren Henrix van Orch, ridder, Rolof van Langhe, Mensche van Echte, Volkeer veren Ermgharden zoen, Rutgher ziin broder, Jan Conrards broder,
ende Jan, Gherijds Clenken broder voerscreven, gheene eyghen zeghel en hebben, so hebbe wi ghebeden eersammen luden ende besceyden heren Henric
van Orch ridder, Gheride Clenken, Conraerde van den Ghore, Otten van Orch ende Echbrecht van Echten, knapen, dat si desen brief willen
bezeghelen, want wi huren zeghelen gebruken in desen brieve. Ende wi Henric van Orch, ridder, Gherijd Clencke, Conraert van den Ghore, Otte van
Orch ende Ecbrecht van Echten, om bede wille deser voerseyde knapen, onser maghe, so hebbe wi desen tieghenwoerdeghen brief voer ons ende voer
onse maghe voernoemt bezeghelt mit onsen eyghenen zeghelen in orconde alle dier stucken, die hiir voerscreven ziin. Ghegheven int jaer ons
Heren, alse me scrivet dusent driehondert ende vier ende tvintech, op vigilie Onser Vrouwen, die me heyt Nativitas.
x
| Bestand | Oorkondenboek Groningen en Drenthe |
|---|---|
| Nr | 283 |
| Olim | Naar het origineel in het rijksarchief van Utrecht (Landskist, Inv. no. 761), hoog 27, breed 22 cm. Ook gedrukt bij Magnin, II, blz. 54 . |
| Jahr | 1324 |
| Datumcode | vNatMar |
x
| Kommentar | Aan het stuk hangen vijf zegels in groene was: 1. rond, vertoonende in een cirkel een driehoekig schild beladen met een kleiner driehoekig schild, op den zoom acht penningen; het kleine schild met 5 linker schuinbalken; randschrift: S. DOMINI HENRICI DE NORCH. 2. schildvormig, vertoonende een vogel (links ziende); randschrift: SIGILLVM GHERARDI CLENCKE. 3. rond, vertoonende in een cirkel een schild als bij 1, echter jour en niet en relief bewerkt en beladen met Brie barenstelen; randschrift: S. OTTONIS DE MORICH. 4. rond, vertoonende in een cirkel een schild, rechts weder gedeeld boven een open veld, links de helft van no. 1 en onder twee baren; randschrift: S. CONRA . . . . N GHORE. 5. rond, vertoonende in een cirkel een schild, waarop 3 arenden; randschrift : S. HICBERTI DE ECHTEN. |
|---|