Johannes, bisschop van Utrecht, draagt het rentmeesterschap van Salland, Twente en Drenthe op aan Bernardus van Ootmarsum.

Nos ]ohannes, Dei gracia episcopus Trajectensis, notum facimus universis, quod discreto viro domino Bernardo de Oetmershem, canonico
Aldenzelensi, officia colleccionis et recepcionis omnium certorum reddituum et proventuum nostrorum per Zallandiam, Tventhiam et Drenthiam
commisimus et committimus per presentes a festo beati Petri ad cathedram jam preterito usque ad integrum annum fideliter gubernandum,
assignantes eidem pro expensis suis 200 libras nigrorum Turonensium, quas de predictis redditibus et proventibus ad justam computacionem
recipiet et habebit, nec ipsum vel conservatorem presencium in eventum mortis sue aliquatenus a dictis officiis ammovebimus, donec eorum alteri
de dictis 200 libris et super omnibus et singulis pro nobis legitime expositis plenarie fuerit satisfactum. Testimonio nostrarum presencium
litterarum, quibus nostrum sigillum duximus apponendum. Datum anno Domini 1329 in vigilia Ascensionis ejusdem.

x

x

Bestand	Oorkondenboek Groningen en Drenthe
Nr	318
Olim	Naar Muller, Reg. en Rek. van het bisdom Utrecht, I, blz. 224.
Jahr	1329
Datumcode	vAscDom

x

x

Material	papier

x

Editionen	P.J. Blok e.a., Oorkondenboek van Groningen en Drente, I (Groningen 1896), nr. 318.