| Nummer:ogd0506 | Datum:5 mei 1361 | Überlieferung:Editie | Fundstelle:Oorkondenboek Groningen en Drenthe, nr. 506 |
Johannes, bisschop van Utrecht, draagt aan Folkerus, bisschop van Ghibelet, en aan de abten van St. Paulus en Dikninge de visitatie van de Utrechtsche geestelijke gestichten op.
Reverendo in Christo patri ac domino, domino . . Folkero episcopo Ghibeletensi ac venerabilibus et religiosis viris dominis Johanni, monasterii
sancti Pauli Trajectensis, necnon Johanni, monasterii in Dickeninghen nostre dyocesis ordinis sancti Benedicti abbatibus, Johannes, Dei gracia
episcopus Trajectensis, salutem in Domino sempiternam. Nuper sanctissimus in Christo pater ac dominus noster, dominus Innocencius, divina
providencia papa sextus, statui ecclesiastico ac cleri nostrarum civitatis et dyocesis specialiter intendens, per suas certi tenoris litteras,
ut tam nostram Trajectensem quam alias ecclesias et monasteria ac loca ecclesiastica eorumque personas dictarum nostrarum civitatis et dyocesis
possemus per aliquam seu aliquas personam seu personas, quam vel quas ad hoc duceremus deputandas, visitare et procuraciones ab hujusmodi
ecclesiis, monasteriis, locis et personis, taliter visitatis, nobis debitas in pecunia numerata recipere, certis super hoc executoribus
deputatis, nobis generose concessit, prout in eisdem litteris plenius continetur. Verum quia propter varia et ardua nobis incumbencia de
presenti negocia, quibus pro conservacione jurium ecclesie nostre predicta, ipsa rei necessitate exigente, frequenter anxiamur, nos a predicta
nostra civitate per aliquod tempus oportebit abesse, de vestris reverencia et discrecione confisi, vobis et cuilibet vestrum tenore presencium
duximus committendum, quatenus accedentes ad civitatem nostram Trajectensem predictam ibidem ecclesias, monasteria et alia loca ecclesiastica
eorundemque personas vice et nomine nostris juxta concessum nobis super hoc a sede apostolica indultum visitetis, statum et condicionem eorundem
diligencius perquirentes, excessus seu crimina ac defectus ecclesiarum, monasteriorum et locorum et personarum predictorum cohercentes et
emendantes, ceteras procuraciones ab ipsis personis sic visitatis debitas nomine nostro recipiatis et exigatis ac alia omnia et singula, que
circa hujusmodi visitacionis officium necessaria exstiterint vel oportuna, aut nos ipsi facere possemus, si presentes in ipso negocio
interessemus. Super quibus omnibus et singulis vobis et cuilibet vestrum tenore presencium committimus vices nostras. In quorum testimonium
sigillum nostrum presentibus est appensum. Datum anno Domini millesimo trecentesimo sexagesimo primo die quinta mensis May.
sancti Pauli Trajectensis, necnon Johanni, monasterii in Dickeninghen nostre dyocesis ordinis sancti Benedicti abbatibus, Johannes, Dei gracia
episcopus Trajectensis, salutem in Domino sempiternam. Nuper sanctissimus in Christo pater ac dominus noster, dominus Innocencius, divina
providencia papa sextus, statui ecclesiastico ac cleri nostrarum civitatis et dyocesis specialiter intendens, per suas certi tenoris litteras,
ut tam nostram Trajectensem quam alias ecclesias et monasteria ac loca ecclesiastica eorumque personas dictarum nostrarum civitatis et dyocesis
possemus per aliquam seu aliquas personam seu personas, quam vel quas ad hoc duceremus deputandas, visitare et procuraciones ab hujusmodi
ecclesiis, monasteriis, locis et personis, taliter visitatis, nobis debitas in pecunia numerata recipere, certis super hoc executoribus
deputatis, nobis generose concessit, prout in eisdem litteris plenius continetur. Verum quia propter varia et ardua nobis incumbencia de
presenti negocia, quibus pro conservacione jurium ecclesie nostre predicta, ipsa rei necessitate exigente, frequenter anxiamur, nos a predicta
nostra civitate per aliquod tempus oportebit abesse, de vestris reverencia et discrecione confisi, vobis et cuilibet vestrum tenore presencium
duximus committendum, quatenus accedentes ad civitatem nostram Trajectensem predictam ibidem ecclesias, monasteria et alia loca ecclesiastica
eorundemque personas vice et nomine nostris juxta concessum nobis super hoc a sede apostolica indultum visitetis, statum et condicionem eorundem
diligencius perquirentes, excessus seu crimina ac defectus ecclesiarum, monasteriorum et locorum et personarum predictorum cohercentes et
emendantes, ceteras procuraciones ab ipsis personis sic visitatis debitas nomine nostro recipiatis et exigatis ac alia omnia et singula, que
circa hujusmodi visitacionis officium necessaria exstiterint vel oportuna, aut nos ipsi facere possemus, si presentes in ipso negocio
interessemus. Super quibus omnibus et singulis vobis et cuilibet vestrum tenore presencium committimus vices nostras. In quorum testimonium
sigillum nostrum presentibus est appensum. Datum anno Domini millesimo trecentesimo sexagesimo primo die quinta mensis May.
