| Nummer:ogd0638 | Datum:11 nov. 1375 | Überlieferung:Editie | Fundstelle:Oorkondenboek Groningen en Drenthe, nr. 638 |
Johan, heer van Ruinen, maakt enige beschikkingen ten behoeve van zijn vrouw Zweder.
Wy, Johan, here van Runen, ridder, doen kundich allen luden mit desen openen brieve, dat
wij bij ghesunden lijve ende mit vrijen willen onses selves hebben ghegheven ende erflike opghelaten
mit allen landrechte, alse daerto byhoert, vrouwe Zweder, onsen echten wijve, alle onse levendighe roerende have, al unse cleynhede ende goed, dat die scheere bygaen hevet, alle onse silverwerc ende vate, dat sij van golde ofte van silver, ende voert al onse reedscap, huesraed ende al onse goed, alsoe als dat gheleghen is ten Oeldenhove , in alsoelken maneren dat vrou Zweder, unse echte wijf voers., des voernoemden goedes erflike ghebruken mach ende bisitten sonder yenegherhande hiinder ofte wedersegghen van ons ofte van onsen erfghenamen. Hier hebben over ende an ghewesen goede eersame lude Roelof van Steenwiich, amtman des landes van Drenthe, Johan die Vos van Steenwiich, Ghert Guedesing, Volkier die sculte to Runen, jongge Ludger, Steven Pigge ende Lieffard die Gruter, bure teRunen, ende anders gueder lude ghenoech. In kennesse der waerheit soe hebbe wij, Johan, here van Runen vors., desen brief byseghelt mit onsen zeghel ende hebben ghebeden Roelve van Steenwiich, Johan Vos van Steenwiich ende Gherde Guedesing voerscreven desen brief mede to byseghelen myt oerren zeghelen. Ende wij, Roelf Steenwiich, Johan Vos van Steenwiich ende Ghert Guedesing voers., want wij hierover ende an ghewesen hebben mit den buren van Runen voernoemde, hebben um bede willen heren Johans van Runen voers. desen brief biseghelt mit onsen zeghelen voer ons selven ende voer die bure van Runen voerscreven, want sie selven ghiene zeghele en hebben. Ghegheven int jaer ons Heren dusent dreehondert viif ende seventich op sente Martiinsdach in den wiinter.
wij bij ghesunden lijve ende mit vrijen willen onses selves hebben ghegheven ende erflike opghelaten
mit allen landrechte, alse daerto byhoert, vrouwe Zweder, onsen echten wijve, alle onse levendighe roerende have, al unse cleynhede ende goed, dat die scheere bygaen hevet, alle onse silverwerc ende vate, dat sij van golde ofte van silver, ende voert al onse reedscap, huesraed ende al onse goed, alsoe als dat gheleghen is ten Oeldenhove , in alsoelken maneren dat vrou Zweder, unse echte wijf voers., des voernoemden goedes erflike ghebruken mach ende bisitten sonder yenegherhande hiinder ofte wedersegghen van ons ofte van onsen erfghenamen. Hier hebben over ende an ghewesen goede eersame lude Roelof van Steenwiich, amtman des landes van Drenthe, Johan die Vos van Steenwiich, Ghert Guedesing, Volkier die sculte to Runen, jongge Ludger, Steven Pigge ende Lieffard die Gruter, bure teRunen, ende anders gueder lude ghenoech. In kennesse der waerheit soe hebbe wij, Johan, here van Runen vors., desen brief byseghelt mit onsen zeghel ende hebben ghebeden Roelve van Steenwiich, Johan Vos van Steenwiich ende Gherde Guedesing voerscreven desen brief mede to byseghelen myt oerren zeghelen. Ende wij, Roelf Steenwiich, Johan Vos van Steenwiich ende Ghert Guedesing voers., want wij hierover ende an ghewesen hebben mit den buren van Runen voernoemde, hebben um bede willen heren Johans van Runen voers. desen brief biseghelt mit onsen zeghelen voer ons selven ende voer die bure van Runen voerscreven, want sie selven ghiene zeghele en hebben. Ghegheven int jaer ons Heren dusent dreehondert viif ende seventich op sente Martiinsdach in den wiinter.
x
| Bestand | Oorkondenboek Groningen en Drenthe |
|---|---|
| Nr | 638 |
| Olim | Naar het origineel in het rijksarchief in Drenthe (Archief Heerlijkheid Ruinen), hoog 13, breed 19 cm. |
| Jahr | 1375 |
| Datumcode | Martin |
x
| Kommentar | De ronde zegels in groene was zijn vrij wel ongeschonden bewaard. Het eerste vertoont in een geornamenteerde kring een driehoekig schild, met een schildhoofd en drie rozen (of sterren ?) geplaatst 2, 1; randschrift : JOHAN HERE VAN RUN . . . Het tweede vertoont een driehoekig schild, met vijf linkerschuinbalken en een zoom, waarop acht penningen; randschrift : S. ROELOF DE STEENWIC. Het derde vertoont hetzelfde, doch kleiner; randschrift : . . . OH . . . STEN . . . Het vierde vertoont hetzelfde als no. 1, doch kleiner; randschrift : S. GERT GODESIN. |
|---|