| Nummer:ogd0642 | Datum:21 mei 1376 | Überlieferung:Editie | Fundstelle:Oorkondenboek Groningen en Drenthe, nr. 642 |
Reynold van Coevorden beleent Lubbert Sickinge met tienden over gronden in Gelkingeland bij Groningen.
In Godes namen amen. Wy, Reynolt, junchere van Covorde, doe kundich allen luden, de dessen breeff sullen sien offte horen lesen, ende bekennen
claerliken in dessen breve, dat wy hebben verlient ende verlienen in dessen yegenwordigen breve onsen tiende, de gehieten is Tammijngetiende,
groff ende small, mijt allen sinen tobehoren, alze in Tammijngelande in Galekingelande in westerdyke to den diepe, dat Aediepe gehieten is, by
Groningen in de westerzyde van der stad tusschen Dodingehorne ende den monnikenhuus van Assen, dat de Hoern gehieten is, Lubberte Sickinge
borger in Groningen ende sinen erffgenamen van den enen erffname to den anderen sunder yeniges mans wedertale ende all argelist uutgesproken
ewliken to besittene om ene summe jaerlikes pensie, alze om drie pont Gronsche offte payment daervoer, dat in Groningen dairvoer gang ende gave
is, ons offte onsen nakomelingen offte onsen amptman te betalen up sunte Magnusdach elkes jaers. Ende updat dijt voer ons ende voer onse
nakomelingen stede ende vast blive, so hebben wy dessen breeff voer ons ende onse erffgenamen ende voer onse nakomelingen mijt onsen zegele
bezegelt. Ghegeven int jaer ons Heren dusent driehundert sess ende tsoventich up sunte Valentiusdach.
claerliken in dessen breve, dat wy hebben verlient ende verlienen in dessen yegenwordigen breve onsen tiende, de gehieten is Tammijngetiende,
groff ende small, mijt allen sinen tobehoren, alze in Tammijngelande in Galekingelande in westerdyke to den diepe, dat Aediepe gehieten is, by
Groningen in de westerzyde van der stad tusschen Dodingehorne ende den monnikenhuus van Assen, dat de Hoern gehieten is, Lubberte Sickinge
borger in Groningen ende sinen erffgenamen van den enen erffname to den anderen sunder yeniges mans wedertale ende all argelist uutgesproken
ewliken to besittene om ene summe jaerlikes pensie, alze om drie pont Gronsche offte payment daervoer, dat in Groningen dairvoer gang ende gave
is, ons offte onsen nakomelingen offte onsen amptman te betalen up sunte Magnusdach elkes jaers. Ende updat dijt voer ons ende voer onse
nakomelingen stede ende vast blive, so hebben wy dessen breeff voer ons ende onse erffgenamen ende voer onse nakomelingen mijt onsen zegele
bezegelt. Ghegeven int jaer ons Heren dusent driehundert sess ende tsoventich up sunte Valentiusdach.
