| Nummer:ogd0654 | Datum:24 juni 1377 | Überlieferung:Editie | Fundstelle:Oorkondenboek Groningen en Drenthe, nr. 654 |
Harman van Coevorden verklaart de grove en smalle tienden te Helpman aan Ecbert Verhouwens, burger in Groningen, in pand te hebben gegeven.
Ich, Harman van Covorde, jonchere van Zellewert, do kondich allen lueden, de dessen oepenen breef zullen zien of hoeren lesen, dat ic voer my
ende voer
myne rechten erfnamen hebbe ghesat Ecberte Verhouwens, borghere in Groningen, jof zinen rechten erfnamen den tyende to Helpman, grof ende smal,
also
als ene myne voervaders hiir to voeren ende ic na hem hebben byzeten ende ghebruket, voer ses en dertich olde Francsche scilde, in desser
maniere, dat ic, Harman voers., ende myne rechte erfghenamen dessen voers. tiende moghen weder lossen up Kerstesaevont, wanneer wy wyllen, met
ses ende dertich olde Francsche scilde, goet van golde ende zwaer van ghewychte. Mer waer dat saeke dat Ecbert voers. jof siin erfghenamen der
thiit verdrote den tiende to boeren, so loeve ic, Harman voers., ende sekere in goeden trouwen voer my ende voer myne rechte erfghenamen Ecberte
voers. jof zinen rechten erfghenamen dit voers. ghelt weder to ghevene, wanneer hy my maent of by sinen wyssen boode doet manen , bynnen ses
weken daerna. Ende is dat saeke, dat ic, Harman voers., jof myne erfghenamen dit voers. ghelt niet en bytaelden als voers. is, so loeve ic,
Harman voers., ende sekere in goeden trouwen voer my ende voer myne rechte erfghenamen bynnen dren daeghen na Ecbertes manynghe jof siinre
erfghenamen voers., dat ic ghemaent byn tot miins selves hues in to coemen tot Groninghen an een eersame herberghe, daer my Ecbert voers., jof
ziin erfghenamen inwysen self andere met thven peerden. Ende daer mach Ecbert voers. jof zine erfghenamen self ander coemen tot my in de
herberghe up my to leystene. Ende daer en sal ic, Harman voers., of myne erfghenamen ute der herberghe niet sceyden, eer ic vol ende al hebbe
bytaelet hoefstoel, leystinghe, bodeghelt ende al dat daerup verteret wert. Waert oec saeke dat ic, Harman voers., of myne erfghenamen onse
zekerheyt vergheten wolden, dat wy niet in en quamen, so mochte Ecbert voers. jof sine erfghenamen leysten met also menighen man ende met also
menighen peerde, als hiir voers. staet, ende nochtan sal ic, Harman voers., jof myne erfghenamen se onthavenen ende quyten ute der herberghe.
Waert oec saeke dat ic des nicht en dede, so mach Ecbert voers. of zine erfghenamen nemen ute mynen goede jof myre erfghenamen bynnen Groninghen
ende buten Groninghen sonder onsen oevelen moet beyde hoefstoel, leystinghe ende boodeghelt, als wanttet al wel bytaelet is. Waert oec saeke dat
Ecbert voers. jof zine erfghenamen des duchte, dat hy met dessen breve niet ghenoech bewaeret en waere, so sal ic , Harman voers., of myne
erfghenamen enen anderen breef gheven , daer hy mede bywaert waere, cancellacien, rasuren, scoringhe jof ghatinghe des breves, quetsinghe des
zeghels, al arghelist ende alle vonden uteghesproken, de Ecberte voers. jof zinen erighenamen hynderen moghen in dessen breve. In orconde der
waerheyt so hebbic, Harman voers., miin zeghel an dessen breef ghehanghen. Ghegheven int jaer ons Heren dusent drehondert soven ende soventich
up sinte Johannesdach to myddensoemer.
ende voer
myne rechten erfnamen hebbe ghesat Ecberte Verhouwens, borghere in Groningen, jof zinen rechten erfnamen den tyende to Helpman, grof ende smal,
also
als ene myne voervaders hiir to voeren ende ic na hem hebben byzeten ende ghebruket, voer ses en dertich olde Francsche scilde, in desser
maniere, dat ic, Harman voers., ende myne rechte erfghenamen dessen voers. tiende moghen weder lossen up Kerstesaevont, wanneer wy wyllen, met
ses ende dertich olde Francsche scilde, goet van golde ende zwaer van ghewychte. Mer waer dat saeke dat Ecbert voers. jof siin erfghenamen der
thiit verdrote den tiende to boeren, so loeve ic, Harman voers., ende sekere in goeden trouwen voer my ende voer myne rechte erfghenamen Ecberte
voers. jof zinen rechten erfghenamen dit voers. ghelt weder to ghevene, wanneer hy my maent of by sinen wyssen boode doet manen , bynnen ses
weken daerna. Ende is dat saeke, dat ic, Harman voers., jof myne erfghenamen dit voers. ghelt niet en bytaelden als voers. is, so loeve ic,
Harman voers., ende sekere in goeden trouwen voer my ende voer myne rechte erfghenamen bynnen dren daeghen na Ecbertes manynghe jof siinre
erfghenamen voers., dat ic ghemaent byn tot miins selves hues in to coemen tot Groninghen an een eersame herberghe, daer my Ecbert voers., jof
ziin erfghenamen inwysen self andere met thven peerden. Ende daer mach Ecbert voers. jof zine erfghenamen self ander coemen tot my in de
herberghe up my to leystene. Ende daer en sal ic, Harman voers., of myne erfghenamen ute der herberghe niet sceyden, eer ic vol ende al hebbe
bytaelet hoefstoel, leystinghe, bodeghelt ende al dat daerup verteret wert. Waert oec saeke dat ic, Harman voers., of myne erfghenamen onse
zekerheyt vergheten wolden, dat wy niet in en quamen, so mochte Ecbert voers. jof sine erfghenamen leysten met also menighen man ende met also
menighen peerde, als hiir voers. staet, ende nochtan sal ic, Harman voers., jof myne erfghenamen se onthavenen ende quyten ute der herberghe.
Waert oec saeke dat ic des nicht en dede, so mach Ecbert voers. of zine erfghenamen nemen ute mynen goede jof myre erfghenamen bynnen Groninghen
ende buten Groninghen sonder onsen oevelen moet beyde hoefstoel, leystinghe ende boodeghelt, als wanttet al wel bytaelet is. Waert oec saeke dat
Ecbert voers. jof zine erfghenamen des duchte, dat hy met dessen breve niet ghenoech bewaeret en waere, so sal ic , Harman voers., of myne
erfghenamen enen anderen breef gheven , daer hy mede bywaert waere, cancellacien, rasuren, scoringhe jof ghatinghe des breves, quetsinghe des
zeghels, al arghelist ende alle vonden uteghesproken, de Ecberte voers. jof zinen erighenamen hynderen moghen in dessen breve. In orconde der
waerheyt so hebbic, Harman voers., miin zeghel an dessen breef ghehanghen. Ghegheven int jaer ons Heren dusent drehondert soven ende soventich
up sinte Johannesdach to myddensoemer.
