| Nummer:ogd0783 | Datum:10 mei 1388 | Überlieferung:Editie | Fundstelle:Oorkondenboek Groningen en Drenthe, nr. 783 |
De abt van Klaarkamp en enige anderen doen als scheidslieden uitspraak in een geschil tussen het klooster van Aduard en de stad Groningen.
Wy, her Elle, abbet van Klarekampe , mester Gherd Radinc, doctoer in den gheesteliken rechte, her Wybrant, deken
van Lywarde, ende Evert Sickinghe, borgher in Groninghe, doen kundich allen luden myt dezen openen breve, dat wy
als ghekoren zoenlude hebben eendrachtelike ghemaket ene stede vaste alinghe ganse zone to ewyghen daghen to holden tuschen her Rippert, abbet,
ende dat ghemene convent van Adewart ende hore vorwerkes lude, hore broeteters, hore lantzate ende deghene, de up horen huzen wonachtich zint,
an de ene zide, ende de borghermestere ende raet van Groninghe ende alle deghene, de bynnen Groninghe wonachtich zint, an de ander zide van alre
schelinghe, de sie an beyden ziden up malcanderen ghehad hebben vor dezen daghe to, dat sie van brande, of hie van beyden ziden ghescheen is,
van rove, van vanghenscap, van wondinghe, van doetslaghe of van broke, de teghen den vrede ghebroken is van beyden ziden, of anders van jeneghen
saken, de vor dezen daghe ghescheen siin, also dat her Rippert, abbet, ende dat convent van Adewart ende alle deghene, de vors. zint, noch
negheen man van hore weghen de borgher-mestere ende raet ende de stad van Groninghe ende alle deghene, de daer en bynnen wonachtich zint, nyet
meer haten of veden en sullen noch met gheesteliken rechte of myt werlschen rechte meer anspreken en sullen of en moghen van jeneghen saken, de
vor dezen daghe ghescheen ziin Ende desghelikes so en sullen de borghermestere ende raet ende de stad van Groninghe noch negheen man van hore
weghen meer haten of veden of anspreken in gheesteliken rechte of in werlschen rechte den abbet ende dat convente vors. ende alle deghene, de
vors. ziin, van dezen vors saken. Voertmer sowat schade den abbete ende den convente vors., ende alle denghenen, de vorghenommet ziin ,
anghekomen is van der stad van Groninghe vors., den sullen de abbet ende dat convent vors. bynne schilde boten ende beteren buten der stad
schade. Ende sowat schade der stad van Groninghe vors. anghekomen is ende denghenen, de daer bynnen wonachtich ziin, van den convente ende van
denghenen, de vors. ziin, den sullen de borghermestere ende raet vors. bynnen schilde boten ende beteren bute des conventes schade vors.,
beholden elken manne van beyden ziden siner claghe van pennincschulde ende van erfachtighen guede. Voertmer is hiirto ghesproken, brande jenich
man den anderen van beyden ziden vors. na dezen daghe, den schaden sal men dubbelt boten ende beteren. Voert segghe wy, sowat dat des conventes
vors. verlopene moneke doen, daer en sal dat convent nyet mede to done hebben, ende so wes hem weder ghedaen wort, al werden sie ghevanghen of
gheslaghen, daer en sal sich dat convent vors. nyet mede beweren ende dat sal wesen buten horen ovelen moet. Ende hiirmede so sullen zie an
beyden ziden wal to raste ende to vrede wezen ende malcanders guede vrende ende deze vors. zone stede ende vaste holden to ewyghen daghen,
sunder enegherhande wedersegghen. Al arghelist ende nye vonde uetghesproken. In oerkunde der waerheyt so hebbe wy, her Elle, mester Ghert, her
Wybrant ende Evert vors., onse zeghele an dezen breef ghehanghen. Ende umme de merre vestnesse deze vors. zone stede ende vast to holden so
hebbe wy, her Rippert ende ghemene oldermans des conventes van Adewart vors., onses conventes zeghel ende wy, borghermestere ende raet van
Groninghe vors., onses stades zeghel mede an dezen breef ghehanghen. Ghegheven int jaer uns Heren dusent drehondert achte ende tachtich des
Zoendaghes vor Pinxteren.
van Lywarde, ende Evert Sickinghe, borgher in Groninghe, doen kundich allen luden myt dezen openen breve, dat wy
als ghekoren zoenlude hebben eendrachtelike ghemaket ene stede vaste alinghe ganse zone to ewyghen daghen to holden tuschen her Rippert, abbet,
ende dat ghemene convent van Adewart ende hore vorwerkes lude, hore broeteters, hore lantzate ende deghene, de up horen huzen wonachtich zint,
an de ene zide, ende de borghermestere ende raet van Groninghe ende alle deghene, de bynnen Groninghe wonachtich zint, an de ander zide van alre
schelinghe, de sie an beyden ziden up malcanderen ghehad hebben vor dezen daghe to, dat sie van brande, of hie van beyden ziden ghescheen is,
van rove, van vanghenscap, van wondinghe, van doetslaghe of van broke, de teghen den vrede ghebroken is van beyden ziden, of anders van jeneghen
saken, de vor dezen daghe ghescheen siin, also dat her Rippert, abbet, ende dat convent van Adewart ende alle deghene, de vors. zint, noch
negheen man van hore weghen de borgher-mestere ende raet ende de stad van Groninghe ende alle deghene, de daer en bynnen wonachtich zint, nyet
meer haten of veden en sullen noch met gheesteliken rechte of myt werlschen rechte meer anspreken en sullen of en moghen van jeneghen saken, de
vor dezen daghe ghescheen ziin Ende desghelikes so en sullen de borghermestere ende raet ende de stad van Groninghe noch negheen man van hore
weghen meer haten of veden of anspreken in gheesteliken rechte of in werlschen rechte den abbet ende dat convente vors. ende alle deghene, de
vors. ziin, van dezen vors saken. Voertmer sowat schade den abbete ende den convente vors., ende alle denghenen, de vorghenommet ziin ,
anghekomen is van der stad van Groninghe vors., den sullen de abbet ende dat convent vors. bynne schilde boten ende beteren buten der stad
schade. Ende sowat schade der stad van Groninghe vors. anghekomen is ende denghenen, de daer bynnen wonachtich ziin, van den convente ende van
denghenen, de vors. ziin, den sullen de borghermestere ende raet vors. bynnen schilde boten ende beteren bute des conventes schade vors.,
beholden elken manne van beyden ziden siner claghe van pennincschulde ende van erfachtighen guede. Voertmer is hiirto ghesproken, brande jenich
man den anderen van beyden ziden vors. na dezen daghe, den schaden sal men dubbelt boten ende beteren. Voert segghe wy, sowat dat des conventes
vors. verlopene moneke doen, daer en sal dat convent nyet mede to done hebben, ende so wes hem weder ghedaen wort, al werden sie ghevanghen of
gheslaghen, daer en sal sich dat convent vors. nyet mede beweren ende dat sal wesen buten horen ovelen moet. Ende hiirmede so sullen zie an
beyden ziden wal to raste ende to vrede wezen ende malcanders guede vrende ende deze vors. zone stede ende vaste holden to ewyghen daghen,
sunder enegherhande wedersegghen. Al arghelist ende nye vonde uetghesproken. In oerkunde der waerheyt so hebbe wy, her Elle, mester Ghert, her
Wybrant ende Evert vors., onse zeghele an dezen breef ghehanghen. Ende umme de merre vestnesse deze vors. zone stede ende vast to holden so
hebbe wy, her Rippert ende ghemene oldermans des conventes van Adewart vors., onses conventes zeghel ende wy, borghermestere ende raet van
Groninghe vors., onses stades zeghel mede an dezen breef ghehanghen. Ghegheven int jaer uns Heren dusent drehondert achte ende tachtich des
Zoendaghes vor Pinxteren.
x
| Bestand | Oorkondenboek Groningen en Drenthe |
|---|---|
| Nr | 783 |
| Olim | Naar het origineel in het rijksarchief te Groningen (Reg. 1388, no. 2), hoog 24,5, breed 30,5 cm. Ook gedrukt bij Driessen, blz. 415. |
| Jahr | 1388 |
| Datumcode | DaPentec |
x
| Kommentar | Aan het stuk hangen van de zes zegels nog vijf: 1. het geschonden zegel van de abdij Klaarkamp. 2. rond, vertonende in een tripas een gedeeld wapenschild, rechts een halve adelaar, links een dwarsbalk; randschrift : S. MGRI. GHERARDI RADINC. 3. rond, met een biddende geestelijke ten halve lijve onder een gothieken baldakijn; randschrift : S. WIBRADI ELLOIS . . . DRI DE LIWT. 4. rond, vertonende een gedeeld wapenschild, rechts een halve adelaar, links een dwarsbalk; randschrift: S. EVERARDI DTI SICKIG. 5. rond, het zegel van het klooster Aduard. Het zesde is verdwenen. |
|---|