| Nummer:ogd0803 | Datum:13 maart 1390 | Überlieferung:Editie | Fundstelle:Oorkondenboek Groningen en Drenthe, nr. 803 |
Reynolt van Coevorden verklaart het hem verpande huis en ambt van Lage ten behoeve van Floris, bisschop van Utrecht, in bezit te hebben.
Ic, Reynolt van Covorden, ridder, doe cond ende kenlic allen luden , dat mi een eersam vader in Gode, her Florens van Wevelinchove , bisscop
tUtrecht, miin lieve here, ende mynen erfghenamen ghebreke miins schuldich is van gherechter witliker schult ses ende dertich hondert gueder
oelder ghuldener Vrancrixsche schilde ende zoeven goede oelde ghuldene Vrancrixsche schilde goet van gholde ende gherecht van ghewichte ofte die
weerde daervoer in anderen gueden paymente in der tiit der betalingen, daer mi siin huys ende ampt tot Laghe mit al sinen toebehoren voer van
mynen lieven here, heren Johanne van Arkel, doe in der tijt bisschop tUtrecht ende na bisscop tot Ludic, ende daerna van mijnen lieven here,
heren Johan van Vierneborch, doe bisscop tUtrecht, den God beiden ghenedich sy, ende daerna van mynen lieven here, heren Arende van Horen, doe
in der tijt bisscop tUtrecht ende nu bisscop tot Ludic, voer te pande ende in handen ghesat was. Ende want dese summe gheldes vors. in orbaer
ende schult des ghestichts van Utrecht ghelegen ende gecomen is, so heft miin lieve here, her Florens van Wevelinchove, bisscop tUtrecht vors.,
voer hem ende sine nacomelingen bisscope tUtrecht ende bi rade siinre vriende ende om orbaer siins ghestichts vors. mi ende mynen erfghenamen
ghebreke mijns voer dese vorghenoempde summe ghelts ghezat mit sinen openen brieve, ghetoghen dorch mijns lieven heren heren Aernts yan Horen
open brief vors. op siin huys ende in siin ampt tot Laghe mit gueden, mit luden ende mit alle sinen toebehoren vors., gheliic dat ic thent
heertoe daerinne gheseten hebbe, dat ampt vors. van siinre ende siinre nacomelinghe weghen vors. toe berichten ende te verwaren alse een guet
amptman schuldich is te doene in manieren ende vorwarden alse hiirna bescreven staen: In den iirsten . . . Alle dese punten ende vorwarden
voers. heb ic, Reynold van Koverde, ridder vors., vor my ende voer myne erfghenamen voorscreven ghelovet ende ghesekert in gueden trouwen eenen
eersamen vader in Gode heren Florens van Wevelinchoven, bisscop tUtrecht, minen lieven here, ende sinen nacomelingen bisscopen tUtrecht vors.
vaste stede ende onverbrekeliken te houden sonder enigherhande archlist. Hiir waren an ende over, daer dit gheschiede, Gyselbrecht van
Bronchorst, amptman doe ter tijt in Tweente, heer Goessen van Rossem, ridder, Everd van der Eze, Jacob van der A, Gerd van Bevervorde ende
anders vele gueder lude. In orkonde des briefs besegelt mit minen seghel. Datum in Aldensale anno Domini MCCCXC Dominica Letare.
tUtrecht, miin lieve here, ende mynen erfghenamen ghebreke miins schuldich is van gherechter witliker schult ses ende dertich hondert gueder
oelder ghuldener Vrancrixsche schilde ende zoeven goede oelde ghuldene Vrancrixsche schilde goet van gholde ende gherecht van ghewichte ofte die
weerde daervoer in anderen gueden paymente in der tiit der betalingen, daer mi siin huys ende ampt tot Laghe mit al sinen toebehoren voer van
mynen lieven here, heren Johanne van Arkel, doe in der tijt bisschop tUtrecht ende na bisscop tot Ludic, ende daerna van mijnen lieven here,
heren Johan van Vierneborch, doe bisscop tUtrecht, den God beiden ghenedich sy, ende daerna van mynen lieven here, heren Arende van Horen, doe
in der tijt bisscop tUtrecht ende nu bisscop tot Ludic, voer te pande ende in handen ghesat was. Ende want dese summe gheldes vors. in orbaer
ende schult des ghestichts van Utrecht ghelegen ende gecomen is, so heft miin lieve here, her Florens van Wevelinchove, bisscop tUtrecht vors.,
voer hem ende sine nacomelingen bisscope tUtrecht ende bi rade siinre vriende ende om orbaer siins ghestichts vors. mi ende mynen erfghenamen
ghebreke mijns voer dese vorghenoempde summe ghelts ghezat mit sinen openen brieve, ghetoghen dorch mijns lieven heren heren Aernts yan Horen
open brief vors. op siin huys ende in siin ampt tot Laghe mit gueden, mit luden ende mit alle sinen toebehoren vors., gheliic dat ic thent
heertoe daerinne gheseten hebbe, dat ampt vors. van siinre ende siinre nacomelinghe weghen vors. toe berichten ende te verwaren alse een guet
amptman schuldich is te doene in manieren ende vorwarden alse hiirna bescreven staen: In den iirsten . . . Alle dese punten ende vorwarden
voers. heb ic, Reynold van Koverde, ridder vors., vor my ende voer myne erfghenamen voorscreven ghelovet ende ghesekert in gueden trouwen eenen
eersamen vader in Gode heren Florens van Wevelinchoven, bisscop tUtrecht, minen lieven here, ende sinen nacomelingen bisscopen tUtrecht vors.
vaste stede ende onverbrekeliken te houden sonder enigherhande archlist. Hiir waren an ende over, daer dit gheschiede, Gyselbrecht van
Bronchorst, amptman doe ter tijt in Tweente, heer Goessen van Rossem, ridder, Everd van der Eze, Jacob van der A, Gerd van Bevervorde ende
anders vele gueder lude. In orkonde des briefs besegelt mit minen seghel. Datum in Aldensale anno Domini MCCCXC Dominica Letare.
