| Nummer:ogd0820 | Datum:4 juni 1391 | Überlieferung:Editie | Fundstelle:Oorkondenboek Groningen en Drenthe, nr. 820 |
De ingezetenen van Westerwolde sluiten een overeenkomst met de kinderen van Egge Addinghe en andere hoofdelingen.
Wy, mene lant to Westerwolde, doet kundich alle denghenen, de dessen
bref zeen of horen lesen, dat wy mijd guden willen overdregen zin ener vasten olden vrunscap unde zone ewighe unde
jumbermeer, alzo mijd Umken Rijpperdes, proveste unde hovedinch to Fijrmesen, Wyarde Memminghe, Memmen, zinen zone, Tiabeken Jelderkes, Adden, Hayen, Bolen, broderen, zelghen Eggen kinderen Addinghe, unde myd eren rechten nakomelinghen unde mijd den vorwarere des huses to Wedde van erer weghene, alzo dat wy, mene land to Westerwolde, zolen unde willet gherne gheven Memmen Wyardes zone, Adden Addinghe unde sinen broderen unde eren rechten nakomelinghen alle de broke, de wy zelghen Egghen vore ghegheven hebben , utghesproken den toln unses eghenen gudes, twe penninghe to bezetten unde twe to untzetten. Unde de hone, den men sweret, de en zal den gherichte nicht gheven , unde zo zele wy gheven den richtere dre schillinghe vor de vif schillinghe, de boven de vif marck zin, dar men enen man sleyt, dat God behode. Hirenboven zo love wy, mene lant to Westerwolde, an guden trowen dit recht to holdene unde to blyvene mijd lyve unde mijd gude to nuden unde noden by dessen vorghenomden hovedinghen, alzo ze vorescreven stan, unde eren rechten nakomelinghe. Desghelyken love wy, vorscrevenen hovedinghe unde unse rechten nakomelinghe , weder den lande to Westerwolde by em to blyvene mijd lyve unde mijd gude. Wer oech zake dat dar ghescreyet wurde en wapenrocht unde dat gherichte zochte ere viande unde unse mene lant en volghede nicht, en jewelk man solde breken vif marck unde deghene, de ze husede unde havede, dat men beschinen mochte, de zolde breken lijf unde gut. Desse vorscrevene zone unde vrunscap love wy, Umken, Wyarde, Memme unse zone , Tiabeke Jelderkes , Adden Addinghe unde zinen broderen unde eren rechten nakomelinghen, wy, mene lant tho Westerwolde, to holdene zunder alle arghelist, alle quade nye vunde utghesproken, dar desse zone mede valschet werden moghe. Hir heft an (ende) over ghewesen Bernt van Haren , knape, her Memme, kerchere to Unswide, her Ghert to Flachtwide, her Hermen to Wedde, Ghert de richtere, de desse zone ghemaket hebbet umme unser beyder vrunscap willen. In ene merre vestnisse desser vorscrevenen dink zo hebben wy, mene lant to Westerwolde, unse ingheseghel an dessen bref ghehanghen, unde hebbet dartho ghebeden her Memmen to Unswide unde her Gherde to Flachtwide, dat he zin ingheseghel heft ghehanghen an dessen bref. Datum anno Domini MCCCLXXXX primo in octava Corporis Christi .
bref zeen of horen lesen, dat wy mijd guden willen overdregen zin ener vasten olden vrunscap unde zone ewighe unde
jumbermeer, alzo mijd Umken Rijpperdes, proveste unde hovedinch to Fijrmesen, Wyarde Memminghe, Memmen, zinen zone, Tiabeken Jelderkes, Adden, Hayen, Bolen, broderen, zelghen Eggen kinderen Addinghe, unde myd eren rechten nakomelinghen unde mijd den vorwarere des huses to Wedde van erer weghene, alzo dat wy, mene land to Westerwolde, zolen unde willet gherne gheven Memmen Wyardes zone, Adden Addinghe unde sinen broderen unde eren rechten nakomelinghen alle de broke, de wy zelghen Egghen vore ghegheven hebben , utghesproken den toln unses eghenen gudes, twe penninghe to bezetten unde twe to untzetten. Unde de hone, den men sweret, de en zal den gherichte nicht gheven , unde zo zele wy gheven den richtere dre schillinghe vor de vif schillinghe, de boven de vif marck zin, dar men enen man sleyt, dat God behode. Hirenboven zo love wy, mene lant to Westerwolde, an guden trowen dit recht to holdene unde to blyvene mijd lyve unde mijd gude to nuden unde noden by dessen vorghenomden hovedinghen, alzo ze vorescreven stan, unde eren rechten nakomelinghe. Desghelyken love wy, vorscrevenen hovedinghe unde unse rechten nakomelinghe , weder den lande to Westerwolde by em to blyvene mijd lyve unde mijd gude. Wer oech zake dat dar ghescreyet wurde en wapenrocht unde dat gherichte zochte ere viande unde unse mene lant en volghede nicht, en jewelk man solde breken vif marck unde deghene, de ze husede unde havede, dat men beschinen mochte, de zolde breken lijf unde gut. Desse vorscrevene zone unde vrunscap love wy, Umken, Wyarde, Memme unse zone , Tiabeke Jelderkes , Adden Addinghe unde zinen broderen unde eren rechten nakomelinghen, wy, mene lant tho Westerwolde, to holdene zunder alle arghelist, alle quade nye vunde utghesproken, dar desse zone mede valschet werden moghe. Hir heft an (ende) over ghewesen Bernt van Haren , knape, her Memme, kerchere to Unswide, her Ghert to Flachtwide, her Hermen to Wedde, Ghert de richtere, de desse zone ghemaket hebbet umme unser beyder vrunscap willen. In ene merre vestnisse desser vorscrevenen dink zo hebben wy, mene lant to Westerwolde, unse ingheseghel an dessen bref ghehanghen, unde hebbet dartho ghebeden her Memmen to Unswide unde her Gherde to Flachtwide, dat he zin ingheseghel heft ghehanghen an dessen bref. Datum anno Domini MCCCLXXXX primo in octava Corporis Christi .
x
| Bestand | Oorkondenboek Groningen en Drenthe |
|---|---|
| Nr | 820 |
| Olim | Naar het origineel in het rijksarchief te Groningen (Reg. 1391, no. 4), hoog 24, breed 29 cm. Daar is ook aanwezig een vidimus van 20 December 1458. Gedrukt bij Driessen, blz. 727. |
| Jahr | 1391 |
| Datumcode | oSacram |