| Nummer:ogd0886 | Datum:26 mei 1395 | Überlieferung:Editie | Fundstelle:Oorkondenboek Groningen en Drenthe, nr. 886 |
De overheden van de stad Utrecht verlenen aan bisschop Frederik van Blankenheim toestemming tot het verpanden van zijn tafelgoederen tot een bedrag van zesduizend oude schilden.
Wi, borghermeysters, scepene, raet ende ghemene oudermans van den ouden rade ende van den nywen der stat van Utrecht, doen cont allen luden mit
desen brieve, dat die eerweerdighe vader in Gode ende heere, haer Vrederic van Blanckenhem, bi der genaden Goods ende des stoels van Romen
bisscop tUtrecht, onse lieve genedige heere, ons ghetoent heeft, hoe dat hi tot veel steden in gherechten gheestelijc ende weerlijc overmits
macht ende ghewelt van waerliken luden becommert ende van zijnre kerken vervreemt heeft ghevonden, gelijc si noch sijn, in groten hinder ende
afterdeel sijnre kerken ende des ghemenen ghestichts van Utrecht voerseyt, ende sonderlinghe dat ghewelt, dat hem Reynout van Coevoerden ende
sine vrienden doen aen dat huys tot Covoerden mit sinen toebehoren, ende menigherhande gewelde, die den lande van Drenthe daervan ghesciet sijn,
alse hem datselve lant had doen aenbrenghen ende claghen, daer hi een zwaer oerloghe om aenghenomen heeft, alse om dat voerseyde huys van
Covoerden mit sinen toebehoren, dat langhe uutghestaen ende van den ghestichte vervreemt heeft gheweest, aen sijnre kerken ende ghestichte van
Utrecht voirseyt na alle sijnre macht weder te brenghen ende den lande van Drenthe die ghewelde of te doen ende dat te bet te rusten te zetten,
daer groot cost om ghedaen ende noch veel cost toebehoert, die hi mit sijns ghestichts goede, dat tot zijnre tafelen hoert, alleen nyet
volbrengen noch vervallen en can sonder hulpe van sinen vrienden. Ende daeromme heeft onse ghenadighe heere voerghenoemt ons ghebeden onse
consent daertoe te gheven, dat hi sine tafelgoede, renten, tijnse, tolle, vervalle ende opcominge ende ampten geestelike ende weerlike, hoe ende
waer die ghelegen sijn aen desside der Yselen, versetten moghe in sijnre vryende hande, uutghenomen slote, die hi hiermede nyet versetten en sal
in enigherwijs, tot eenre sommen toe van ghelde als sesdusent Vrancrijcsche scilde of die weerde daervoer binnen ses jaren naestcomende te
betalen, dat is te verstaen, dat dieghene, die die tafelgoede, renten, tienden, tinse, tolle, vervalle, opcominghe ende ampten gheesteliken ende
weerliken hebben zullen alse voerseyt is, ten minsten elx jaers van den ses jaren voirseyt ofcorten zullen ende inhouden dusent oude scilde.
Ende wanneer dese voerseyde ses jaren ommeghecomen sijn, so zel dese brief claerliken doet ende rnachteloes wesen, behou-delic oec in allen
punten voirs. sulke brieve, alse die stat van Utrecht voirseyt ende anders yemant van onsen heere van Utrecht ende sinen voervaderen, bisscopen
tUtrecht, hebben bii consente der ecclesyen van Utrecht, in hoerre machte te bliven ende mede behouden enen yghelic zijnre pensie, die hi mit
rechte heeft uten voers. renten, ende voertmeere behoudelic dat overmits des teghenwordich consents der capittelen goede ende singularen
personen van den capittelen van Utrecht onsen heere van Utrecht off denghenen, dien hi sine renten voirseyt verbinden zal, mit desen consente
nyet verbonden en zullen wesen, noch dat onse heere voerseyt noch dieghene, dien hi bevelinghe doen sal als voerseyt is, daer gheen antale op
hebben en zellen. Ende want onse lieve here van Utrecht voirseyt sterflic is, ende hi zine vrienden, die hem in sinen ende sijns gestichts
nootsaken voerseyt bistaen ende hoer goet verlegghen zullen ende verleghet hebben, meent te besorghen als hi beste can, zo dat zi bi hem nyet
verderflic en werden aen horen goede, des hi nyet wel ghedoen en kan sonder der ecclesye ende onsen consente op sulken vorwaerden als voirseyt
sijn, daeromme ende want wy bekennen, dat die eerweerdige in Gode onse lieve genedige here van Utrecht voerseyt dese voirseide saken bestaen
ende anghenomen heeft om oerbaer ende nutticheit der kerken ende des gestichts van Utrecht, zo hebben wy aensiende die vliticheit, die onse
lieve heere voirseyt bewijst zijnre kerken recht te vorderen ende te vervolghen, onse consent daerthoe ghegheven ende geven mit desen brieve,
alse dat hi sijn tafelguede, renten, tijnse, tyenden, tolle, vervalle, opcominghe ende ampten geestelijc ende weerlijc aen desside der Ysele, zo
waer en hoe die gheleghen sijn, uutgeseghet des ghestichts slote, versetten mach an sijnre vriende hant, die hi daeraen wijst mit sinen brieven,
tot eenre sommen van sessdusent oude Vrancrijcsche scilden oft payment daervoer te betalen bijnnen sess jaren naestcomende, dat is te verstaen,
dat dieghene, die die tafelgoede, renten, tienden, tinse, tolle, vervalle, opcominge ende ampten gheesteliken ende weerliken hebben sellen also
voirseyt is, ten mijnsten elc jaers van den sess jaren voerseyt ofcorten sellen ende inhouden dusent oude scilde, also dat elc jaer hemselven
qwite van enen sestendeel van der sommen voirsyet. Ende wanneer dese ses jaren voirseit ommeghecomen sijn, so sel dese brief claerliken doot
ende machteloes wesen, behoudeliken oec in allen punten voerseyt sulke brieve, alse die stat van Utrecht ende anders yemant van onsen heere van
Utrecht ende sinen voervaderen, bisscopen tUtrecht, hebben bi consente der ecclesyen van Utrecht, in hore machten te bliven, ende mede
behoude(li)ken enen ygheliken zijnre pensye, die hi mit rechte heeft uten voirseide renten, ende voirtmere behoudeliken ons dat overmits des
tieghenwordichs consents der capittelen goede ende singularen personen van den capitulen voirseyt onse heere van Utrecht of denghenen, dien hi
siin renten voirseyt verbinden sal, mit desen consente niet verbonden en zullen wesen, noch dat onse heere voerseyt noch dieghene, dien hi
beveel doen sal alse voerseyt is, daer ghene antael op hebben en sullen. Ende al dinc sonder arghelist. In oerkonde des briefs besegelt mit
onser stat grote seghel. Ghegheven int jaer ons Heren dusent driehondert vijf ende tnegentich opten zes ende twintichsten dach in der maent van
Meye.
desen brieve, dat die eerweerdighe vader in Gode ende heere, haer Vrederic van Blanckenhem, bi der genaden Goods ende des stoels van Romen
bisscop tUtrecht, onse lieve genedige heere, ons ghetoent heeft, hoe dat hi tot veel steden in gherechten gheestelijc ende weerlijc overmits
macht ende ghewelt van waerliken luden becommert ende van zijnre kerken vervreemt heeft ghevonden, gelijc si noch sijn, in groten hinder ende
afterdeel sijnre kerken ende des ghemenen ghestichts van Utrecht voerseyt, ende sonderlinghe dat ghewelt, dat hem Reynout van Coevoerden ende
sine vrienden doen aen dat huys tot Covoerden mit sinen toebehoren, ende menigherhande gewelde, die den lande van Drenthe daervan ghesciet sijn,
alse hem datselve lant had doen aenbrenghen ende claghen, daer hi een zwaer oerloghe om aenghenomen heeft, alse om dat voerseyde huys van
Covoerden mit sinen toebehoren, dat langhe uutghestaen ende van den ghestichte vervreemt heeft gheweest, aen sijnre kerken ende ghestichte van
Utrecht voirseyt na alle sijnre macht weder te brenghen ende den lande van Drenthe die ghewelde of te doen ende dat te bet te rusten te zetten,
daer groot cost om ghedaen ende noch veel cost toebehoert, die hi mit sijns ghestichts goede, dat tot zijnre tafelen hoert, alleen nyet
volbrengen noch vervallen en can sonder hulpe van sinen vrienden. Ende daeromme heeft onse ghenadighe heere voerghenoemt ons ghebeden onse
consent daertoe te gheven, dat hi sine tafelgoede, renten, tijnse, tolle, vervalle ende opcominge ende ampten geestelike ende weerlike, hoe ende
waer die ghelegen sijn aen desside der Yselen, versetten moghe in sijnre vryende hande, uutghenomen slote, die hi hiermede nyet versetten en sal
in enigherwijs, tot eenre sommen toe van ghelde als sesdusent Vrancrijcsche scilde of die weerde daervoer binnen ses jaren naestcomende te
betalen, dat is te verstaen, dat dieghene, die die tafelgoede, renten, tienden, tinse, tolle, vervalle, opcominghe ende ampten gheesteliken ende
weerliken hebben zullen alse voerseyt is, ten minsten elx jaers van den ses jaren voirseyt ofcorten zullen ende inhouden dusent oude scilde.
Ende wanneer dese voerseyde ses jaren ommeghecomen sijn, so zel dese brief claerliken doet ende rnachteloes wesen, behou-delic oec in allen
punten voirs. sulke brieve, alse die stat van Utrecht voirseyt ende anders yemant van onsen heere van Utrecht ende sinen voervaderen, bisscopen
tUtrecht, hebben bii consente der ecclesyen van Utrecht, in hoerre machte te bliven ende mede behouden enen yghelic zijnre pensie, die hi mit
rechte heeft uten voers. renten, ende voertmeere behoudelic dat overmits des teghenwordich consents der capittelen goede ende singularen
personen van den capittelen van Utrecht onsen heere van Utrecht off denghenen, dien hi sine renten voirseyt verbinden zal, mit desen consente
nyet verbonden en zullen wesen, noch dat onse heere voerseyt noch dieghene, dien hi bevelinghe doen sal als voerseyt is, daer gheen antale op
hebben en zellen. Ende want onse lieve here van Utrecht voirseyt sterflic is, ende hi zine vrienden, die hem in sinen ende sijns gestichts
nootsaken voerseyt bistaen ende hoer goet verlegghen zullen ende verleghet hebben, meent te besorghen als hi beste can, zo dat zi bi hem nyet
verderflic en werden aen horen goede, des hi nyet wel ghedoen en kan sonder der ecclesye ende onsen consente op sulken vorwaerden als voirseyt
sijn, daeromme ende want wy bekennen, dat die eerweerdige in Gode onse lieve genedige here van Utrecht voerseyt dese voirseide saken bestaen
ende anghenomen heeft om oerbaer ende nutticheit der kerken ende des gestichts van Utrecht, zo hebben wy aensiende die vliticheit, die onse
lieve heere voirseyt bewijst zijnre kerken recht te vorderen ende te vervolghen, onse consent daerthoe ghegheven ende geven mit desen brieve,
alse dat hi sijn tafelguede, renten, tijnse, tyenden, tolle, vervalle, opcominghe ende ampten geestelijc ende weerlijc aen desside der Ysele, zo
waer en hoe die gheleghen sijn, uutgeseghet des ghestichts slote, versetten mach an sijnre vriende hant, die hi daeraen wijst mit sinen brieven,
tot eenre sommen van sessdusent oude Vrancrijcsche scilden oft payment daervoer te betalen bijnnen sess jaren naestcomende, dat is te verstaen,
dat dieghene, die die tafelgoede, renten, tienden, tinse, tolle, vervalle, opcominge ende ampten gheesteliken ende weerliken hebben sellen also
voirseyt is, ten mijnsten elc jaers van den sess jaren voerseyt ofcorten sellen ende inhouden dusent oude scilde, also dat elc jaer hemselven
qwite van enen sestendeel van der sommen voirsyet. Ende wanneer dese ses jaren voirseit ommeghecomen sijn, so sel dese brief claerliken doot
ende machteloes wesen, behoudeliken oec in allen punten voerseyt sulke brieve, alse die stat van Utrecht ende anders yemant van onsen heere van
Utrecht ende sinen voervaderen, bisscopen tUtrecht, hebben bi consente der ecclesyen van Utrecht, in hore machten te bliven, ende mede
behoude(li)ken enen ygheliken zijnre pensye, die hi mit rechte heeft uten voirseide renten, ende voirtmere behoudeliken ons dat overmits des
tieghenwordichs consents der capittelen goede ende singularen personen van den capitulen voirseyt onse heere van Utrecht of denghenen, dien hi
siin renten voirseyt verbinden sal, mit desen consente niet verbonden en zullen wesen, noch dat onse heere voerseyt noch dieghene, dien hi
beveel doen sal alse voerseyt is, daer ghene antael op hebben en sullen. Ende al dinc sonder arghelist. In oerkonde des briefs besegelt mit
onser stat grote seghel. Ghegheven int jaer ons Heren dusent driehondert vijf ende tnegentich opten zes ende twintichsten dach in der maent van
Meye.
