König Otto III. bestätigt die von seinem Grossvater und seinem Vater der Hamburger Kirche und den in dieser Diöcese befindlichen Klöstern, darunter auch Reepsholt, verliehenen Privilegien.

In nomine sanctae et individuae Trinitatis Otto divina favente clementia rex. Si pias petitiones sacerdotum prona devotione ad effectum duxerimus, id procul dubio ad statum presentis vitae, et aeternae beatitudinis praemia capessenda nobis profuturum credimus. Quapropter omnium fidelium nostrorum praesentium et futurorum noverit industria, qualiter vir venerabilis Adaldagus, sanctae Hammaburgensis ecclesiae archiepiscopus, ad nos venit, secum deferens praecepta beate memoriae avi nostri Ottonis et eius aequivoci genitoris nostri, imperatorum videlicet augustorum, in quibus continebatur, quomodo ipsi pro divino amore monasteriis in eius episcopio consistentibus imperialibus suis praeceptionibus libertatem et tuitionem concessissent, rogavitque celsitudinem nostram, ut nos denuo nostra praeceptione eadem monasteria et omnia illuc aspicientia confirmaremus. Nos vero eius iustae et rationabili petitioni assensum praebentes, ob interventum dilectae genitricis nostrae, Theophanu videlicet imperatricis augustae, ad honorem sanctae Dei genetricis Mariae, cui locus ille Hammaburg est consecratus, eidem loco supradicto concedimus omnes concessiones, quas concesserant piae memoriae imperatores, avus scilicet et genitor noster, caeterisque monasteriis ad hanc diocesim pertinentibus, id est Bremun, Bukkiun, Ramaslaun, Birchisinun, Hasalinge, Ripesholt, ea videlicet conditione, ut semper sub tuitione nostra sint perpetualiter, et quicquid modo habeant, vel deinceps aliquo modo adquirere possint, eis eorumque episcopo libere serviat omni iudiciaria potestate remota. Concedianus insuper praefato archiepiscopo eiusque successoribus licentiam construendi mercatum in loco Bremun nuncupato, bannum et theloneum, necnon monetam, totumque quod inde regius reipublice fiscus obtinere seu aliquomodo ad nostrum regium ius pertinere poterit, praelibate Bremensi conferimus sedi. Quin etiam negotiatores, eiusdem incolas loci nostre tuitionis patrocinio condonavimus, precipientes hoc regiae auctoritatis praecepto, quo in omnibus tali patrocinentur tutela et potiantur iure, quali caeterarum regalium institores urbium per nostrum regnum potiri noscuntur. Nemoque inibi aliquam sibi vendicet potestatem, nisi praefate sedis archiepiscopus et advocatus, quem ipse ad hoc delegaverit. Ad haec concedimus, ut nullus dux neque marchio vel comes aut alia quelibet iudiciaria potestas in supradictorum hominibus monasteriorum, Hammaburg videlicet, Bremun, Bukkiun, Ramaslaun, Birchsinun, Hasalinge, Ripesholt, aliquam potestatem sibi usurpet, litis scilicet et colonis atque iamundilingis, vel eos aliquis capitis banno ob capitis furtum, vel alio quelibet banno constringat, aut aliquam iustitiam cogat facere, nisi advocati archiepiscopi prenominati, quos idem ipse velit et constituat advocatos. Ipsi vero advocati praedictos homines banno nostro constringant ad omnem iustitiam faciendam. Donamus quoque Hamaburgensis ecclesiae predictorumque monasteriorum illo pertinentium clericis potestatem eligendi inter se sive aliunde, si necessitas exposcat, episcopum. Et ut hoc regiae nostrae auctoritatis praeceptum a Dei fidelibus nostrisque verius credatur ac per successura tempora inconvulsum diligentius observetur, hanc cartam conscribi manuque nostra roboratam anuli nostri inpressione iussimus assignari.
Signum domini Ottonis (M) gloriosissimi regis. (S)
Hildibaldus, episcopus et cancellarius, vice Willigisi archicapellani recognovi. (R)
Data XVII. Kalendas Aprilis. Anno dominicae incarnationis DCCCCLXXXVIII. Indictione I., anno autem tertii Ottonis regnantis quinto.
Actum Wildeshuson[*] feliciter. Amen.

x

x

Bestand	Ostfriesisches Urkundenbuch, I
Fol. Nr.	S. 3
Nr	3
Olim	Nach dem im Königlichen Staatsarchive zu Hannover befindlichen Originale. - Abgedruckt im Hamburger Urkundenbuche Nr. 49, und im Auszuge Brem. U.-B. I. Nr. 14.
Jahr	988
Datumcode	17KalApr

x

x

Material	papier

x

Editionen	E. Friedländer, Ostfriesisches Urkundenbuch I (Emden 1878), nr. 3