| Nummer:oub0212 | Datum:18. Mai 1408 | Überlieferung:Editie | Fundstelle:Ostfriesisches Urkundenbuch, I, S. 176, nr. 212 |
Die zu Emden anwesenden Rathssendeboten aus Groningen widerrathen den sieben Ostfriesischen Landen eine Vereinigung mit Hamburg.
An den seven lande ynne Ostvreslande unsen ghuden vrunden.
Leven vrende. Juwen breff an unsen rad gesand inholdene under mer anderen worden, wo gij mit den van Hamburgh ghene soen anghan en willen sunder ofte buten unsen rade hebbe wij to Emden entfangen unde vorstan, unde hebben vort an unsen rad ghesant to hus, worvan wij juw laten weten, wo dat wij ok myd den van Hamborgh ghene soen gededinged en hebben, men sin dageloss geschet van en, dar gij in groten saken van sind. Na den dat gij buten ons, als gij scriven, nicht zonen en willen, zo en hebbe wij ok ghene sone buten juwen willen dedinged juw to leve, unde hebben anghezeen menen Vresen orber, also wij node solden zeen Vresland in orer vriheyd ghekrenked ofte van uthlandeschen luden vordrucked. Begeren van juw mid gantzer andacht, dat gij myd den Hamborghers ghene soen en dedingen, men doen darynne als screven hebben, zo dat Vresen in vriheyd bliven ungekrenked, dat war unse ghuddunckend. God sij myd juw. Gescreven under unse ingesegel Everts Jarichs unde Otten Folkardinghe, dar uns anderen nu tor tijd an genoged. Gescreven des vrigdages na sunte Servars.[*]
Radessendeboden der stad Groningen Emede wesende.
Leven vrende. Juwen breff an unsen rad gesand inholdene under mer anderen worden, wo gij mit den van Hamburgh ghene soen anghan en willen sunder ofte buten unsen rade hebbe wij to Emden entfangen unde vorstan, unde hebben vort an unsen rad ghesant to hus, worvan wij juw laten weten, wo dat wij ok myd den van Hamborgh ghene soen gededinged en hebben, men sin dageloss geschet van en, dar gij in groten saken van sind. Na den dat gij buten ons, als gij scriven, nicht zonen en willen, zo en hebbe wij ok ghene sone buten juwen willen dedinged juw to leve, unde hebben anghezeen menen Vresen orber, also wij node solden zeen Vresland in orer vriheyd ghekrenked ofte van uthlandeschen luden vordrucked. Begeren van juw mid gantzer andacht, dat gij myd den Hamborghers ghene soen en dedingen, men doen darynne als screven hebben, zo dat Vresen in vriheyd bliven ungekrenked, dat war unse ghuddunckend. God sij myd juw. Gescreven under unse ingesegel Everts Jarichs unde Otten Folkardinghe, dar uns anderen nu tor tijd an genoged. Gescreven des vrigdages na sunte Servars.[*]
Radessendeboden der stad Groningen Emede wesende.
