| Nummer:oub0235 | Datum:9. Mai 1413 | Überlieferung:Editie | Fundstelle:Ostfriesisches Urkundenbuch, I, S. 194, nr. 235 |
Vertrag zwischen Propst Hisko von Emden und Hayo Addinges von Westerwolde.
Wy Hysseke, proest ende hoveding to Eemde, ende Haye, hoveding to Westerwolde bekennen ende betughen mit dessen openen breve, dat wy hebben ghelovet ende loven voer ons ende onse vrende, dat Emmeke ende zine broders Zeken kinderen to Reyde, [*] sullen vredelike ghebruken hoers guedes, huses ende rechtes, als sie des in voertiden pleghen to bruken, onbehinderd van ons ende onsen vrenden; ende besunderlinghen en sullen wy Emmeken vorscr. ende zyne broderen ghene ongunst to keren om overghevinghe wille oers huses den van Groninghen ende den Ommelanden; ende des ghelikes love wy Tydde Wynnelde, dat he zines guedes ende rechtes bruken sal in aller malen als vorscreven is van Zeken kinderen. Sunder al arghelist. In orkunde der waerheit so hebbe wy Hysseke ende Haye vorscr. onse seghele an dessen breef ghehanghen. Ghegheven in den jaer ons Heren dusent vier hondert ende dertiene, des dinxedaghes na des hilighen Cruces doch invencio.
