| Nummer:oub0237 | Datum:13. Aug. 1413 | Überlieferung:Editie | Fundstelle:Ostfriesisches Urkundenbuch, I, S. 195, nr. 237 |
Keno tom Brok unterwirft sich in seinem Streite mit den Nordern, Hisko von Emden und Enno von Larrelt dem Schiedsspruche des Rathes der Stadt Groningen.
Ik Kene to Broke unde Awerke etc. do kundich allen luoden myd dessem apen breve, dat ik by den borgermesteren unde rade to Groninghen byn ghebleven zodaner twedracht unde schelinghe, also de gevallen zin bynnen vredes van gudes wegen tuoschen Everdes Ydsingena[*] undersaten van Norden unde Hisseken, proveste und hofflinghe to Emeden unde Ennen Edzardesena von Larlte in desser maneer, dat de rad van Groninghen de zake scheden scholde tuosschen hir unde des sundages na sunte Bartolomeus dage negest komende.[*] Unde des ze my van Everdes undersaten mit rechte afzegghen [off de], dar wil ik mi an holden by ener pene van dusent lichtene guldene, unde de vorscrevene pene halff an des rades hant van Groningen unde de anderen helffte to der ghennen hant, de dat zegghent holden willen. Unde hirup zal ik twe off dre anclegers zenden to Groningben up unser Vrowen achteden dach assumpcionis[*] unde dat uthzeggent aldar to horende unde van dar nicht to schedende, id en si vullenbracht by der vorscrevenen pene. Des ik to merer bekantnisse hebbe myn secretum up dessen breff drukket. Int jar unses Heren dusent verteynhundert drutteyne, des sundages na Laurencii des hilghen mertelers.
